Lourenzá, 3 de abril de 2013. O Concello de Lourenzá promove a creación dun grupo de sendeirismo no municipio e para iso convoca aos veciños interesados a unha reunión que se celebrará este venres, día 5, ás oito da tarde. O concelleiro de Deportes e Xuventude, Pablo Maseda, tamén anunciou hoxe que Lourenzá acollerá o día 13 deste mes, sábado, unha ruta de sendeirismo organizada pola asociación Pasada das Cabras, de Burela, coa colaboración do Concello laurentino.
Pablo Maseda explicou que nesta ruta “poden participar todos os veciños e veciñas de Lourenzá sen necesidade de preinscrición, simplemente presentándose no Cantón de Lourenzá ás dez menos cuarto da mañá para coller o autobús ou tamén poden ir ata a Ponte Saavedra, na parroquia de San Xurxo. A ruta consta dun percorrido de 19,8 quilómetros, pero vanse facer tan só 13,5 quilómetros, xa que os organizadores prefiren facela un pouco máis corta pola dificultade do primeiro tramo”.
O concelleiro de Deportes engadiu que o percorrido “empezará no que se chama a Ponte de Saavedra, no Xuncal, onde se dividen as parroquias de Santo Tomé e San Xurxo; despois acompañaremos nun bo tramo ao río Baos, pasando pola área recreativa do Pereiro e posteriormente cruzarase á parroquia de San Adriano para continuar en sentido sur norte ata o remate. Durante o percorrido iremos deixando o val de Lourenzá a nosa esquerda, toda a zona da faba de Lourenzá e tamén pasaremos por preto do pazo de Tovar e remataremos en Vilanova”.
Maseda comentou ademais que está ruta “vai servir para ofrecerlle aos nosos veciños que a coñezan e a disfruten e está aberta a cantos a queiran facer. Nesta ocasión vamos contar como padriños de viaxe coa asociación Pasada das Cabras e o Concello de Lourenzá agasallará aos participantes cun pequeno refrixerio na metade da ruta”.
Por outra parte, este vindeiro venres, día 5, o Concello convoca a unha reunión aos veciños e veciñas de Lourenzá para “intentar crear unha asociación de sendeirismo con sede no noso pobo, xa que moitos veciños estannos mostrando o interese en participar neste tipo de actividades”, explicou o concelleiro de Deportes. A xuntanza será ás oito da tarde no salón de actos do Concello.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
