Burela, 12 de abril de 2013. A xunta de goberno do Concello burelés aprobou o pasado martes o anteproxecto de construción de vestiarios e aseos hixiénicos no campo de herba artificial da Marosa, e acordou iniciar os trámites legalmente establecidos para poder levar a cabo esta obra.
O alcalde burelés, José María González Barcia, xunto coa concelleira de Deportes, Beatriz Piñeiro, e o concelleiro de Obras, Manuel Fernández Valle, compareceron hoxe en rolda de prensa no campo de herba artificial da Marosa, acompañados das Escolas Deportivas de Fútbol, para anunciar o acordo adoptado pola Xunta de Goberno e explicar algunhas cuestións referidas ó indicado anteproxecto.
González Barcia indicou que “a obra terá unha ocupación de 156 metros cadrados, e estará situada entre o campo de fútbol e a estrada Burela-San Cibrao. O anteproxecto contempla tres corpos: un corpo central onde se ubicarían instalacións e dependencias para material, mantemento, árbitros e aseos, e dous corpos laterais nos que se ubicarían vestiarios con duchas e aseos. A construción tería unha lonxitude de 31’20 metros, unha altura máxima de 3’52 metros e un fondo de 6 metros. O presuposto é de 103.378 euros”.
O rexedor subliñou que “se pretende levar a cabo unha construción respectuosa co entorno, de forma e maneira que se enmarque dentro da propia paisaxe”.
Barcia manifestou que “este é o primeiro paso para poder facer esta obra; simultaneamente á aprobación do anteproxecto, procedemos a expoñela ó público segundo o disposto na Lei 9/2002 de Ordenación Urbanística de Galicia; posteriormente, será enviada á Xunta de Galicia, dado que o solo que se pretende ocupar pertence ó dominio público de protección de zona costeira, para que proceda á informar da posibilidade de levar a cabo a construción; e chegados a ese punto, temos que conseguir a financiamento para poder construír esta dotación deportiva. O presuposto é moi elevado para poder ser soportado polas arcas municipais, de aí que falaremos coa Deputación para que colabore co Concello. De feito, hoxe mesmo se solicitaron entrevistas tanto co Presidente coma co Vicepresidente primeiro da institución provincial”.
Na rolda de prensa, o alcalde burelés manifestou que “a aprobación deste anteproxecto demostra o compromiso deste equipo de goberno co deporte. Quen non o queira ver, que non o vexa, pero o que é evidente é que ninguén deu este paso adiante, e é un equipo do Partido Popular quen comeza a dar pasos para dotar dunha importante infraestrutura ás instalacións deportivas da Marosa. Quero lembrar que os trámites administrativos do propio campo de herba artificial comezounos un goberno do PP, como tamén fixo as pistas de tenis, e outras instalacións deste recinto deportivo”.
Finalmente, González Barcia foi claro: “como non podemos marcar prazos para construír esta infraestrutura, non os marcamos, porque non queremos crear expectativas que logo se poidan incumprir ou retrasar. O que si é certo é que vamos poñer todo empeño para facer realidade esta obra. Así, o recinto deportivo da Marosa sería un dos mellor dotados de toda a provincia”.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
