Burela, 15 de xuño de 2013. O alcalde, José Mª González Barcia, convocou unha reunión da xunta de portavoces para o vindeiro luns, 17 de xuño, ás 10 da mañá. Nese encontro analizarase a sentenza do Tribunal Supremo que lle da a razón á familia Gil Varela e que pode implicar que parte do patrimonio cultural poida saír do Museo Provincial. O seu emblema, o torques de Burela, é unha das pezas afectadas.
O rexedor explicou que “despois de ter coñecemento da sentencia do Tribunal Supremo que lle da razón á familia Gil Varela e que parte do patrimonio cultural pode saír do Museo Provincial a non sabemos onde, e tendo en conta que desde a Deputación de Lugo non se adoptou ningún tipo de medida e non se sabe o que están a facer, eu convoquei unha reunión da xunta de portavoces para o vindeiro luns, 17 de xuño, ás 10 da mañá e tamén á concelleira delegada de Cultura para abordar esta cuestión. A peza más emblemática da colección Gil Varela e de todo o Museo Provincial de Lugo é o torques de Burela”.
González Barcia subliñou que “o torques é un icono, é un emblema para Burela en sí, pero tamén é o emblema do Museo Provincial. O que non podemos permitir é que torques poida saír desas instalacións e non sabemos cara onde”. O alcalde burelés dixo que “é intención do Concello e do meu partido transmitirlle todo o apoio ao presidente da Deputación de Lugo e pedirlle que lidere e que asuma este asunto como propio. Estamos diante dun asunto extremadamente preocupante pola transcendencia que ten a nivel cultural, el ten que coller o toro polos cornos, porque aquí non estamos diante dunha parcela de poder do BNG ou diante dunha parcela de poder do PSOE, isto é patrimonio de todos os lucenses e polo tanto o presidente ten que liderar este asunto”.
O rexedor adiantou que “a proposta que lle vou facer á xunta de portavoces é esa: amosar o apoio absoluto a toda xestión que faga o presidente da Deputación de Lugo tendente a conseguir que o patrimonio cultural de todos os lucenses, neste caso no que se refire ao torques de Burela, se quede no Museo Provincial de Lugo, que é onde ten que estar para que todos os lucenses poidan contemplalo. E tamén lle pedimos que se poña a traballar canto antes e que teña informados aos grupos políticos na Deputación de Lugo. É probable que se poida plantexar algún tipo de acordo na xunta de portavoces que imos ter o luns, pero isto haberá que falalo alí”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
