Fronte ás afirmacións da Ministra de Emprego, Fátima Báñez, na rolda de prensa posterior ao Consello de Ministros, de que a reforma laboral conseguiu reducir o incremento do paro e de que se está a cumprir o obxectivo inicial, que eran crear emprego, a CIG reafírmase na súa denuncia de que esta reforma só serviu para precarizar o mercado laboral e proporcionar man de obra barata á patronal. Após ano e medio da súa entrada en vigor, a central sindical entende que esta reforma non só non axudou á creación de emprego, senón que, pola contra, provocou un aumento dos despedimentos por causas obxectivas; facilitou que se cambiase o traballo fixo por temporal; fixo diminuír os salarios; supuxo un ataque sen precedentes á negociación colectiva e, polo tanto, mudou traballo con dereitos por outro en precario.
Manifestación contra a reforma laboral.
A CIG denuncia que pese a que o goberno enmarcou a reforma laboral dentro dun conxunto de medidas postas en marcha como suposta reacción á crise, o que supuxo foi un durísimo ataque ás condicións de vida da clase traballadora, un escoramento do estado aos intereses do capital, un ataque frontal ao traballo, e un recorte nos salarios das traballadoras e dos traballadores.
Así, tal e como amosan os datos da Enquisa Anual de Custe Laboral publicada polo INE, o custo neto total por traballador/a baixou preto dun 3,3% en Galiza (caendo até os 26.506,63€), mentres que no conxunto do estado español caeu un 0,7€% (30.667,43€).
A reforma laboral non só non puxo freo aos despedimentos, senón que supuxo un aumento de máis do dobre dos ERES aprobados no ano 2011, unha maior flexibilidade da regulación laboral, a favor da empresa, ampliando o poder discrecional da patronal na xestión e os tempos de traballo, ao tempo que debilitou a negociación colectiva.
Supuxo sacrificar o dereito da conciliación da vida laboral coa familiar, ao facilitar ao máximo a flexibilidade da xornada en interese da empresa. Permitiu o recurso ás horas extraordinarias no tipo de contrato a tempo parcial, dándolle carta branca ao empresariado para que fixe e distribúa a xornada, dándolle prioridade a un tipo de contrato precario como instrumento de creación de emprego (iso si de baixo custe) en detrimento da visión deste contrato como unha fórmula para facilitar a conciliación.
A reforma laboral acometeu un ataque sen precedentes a un dereito que até o de agora tiñan en exclusiva as traballadoras e os traballadores, respecto da redución da xornada para atender ao coidado das crianzas a cargo, á hora de poder adaptar o seu horario de traballo ás súas circunstancias persoais e familiares.
Puxo en risco o permiso de lactación, ao introducir a posibilidade de que os convenios ou razóns produtivas ou organizativas limiten o dereito a poder desfrutar do permiso de forma acumulada á baixa de maternidade.
A reforma supuxo a diminución do custe do despido procedente, e con isto, que moitos traballadores e traballadoras foran botados á rúa, logo de estar toda a vida traballando, cunha indemnización de tan só 20 días por ano traballado, o cal condicionará non só a remuneración do seu despedimento, senón tamén a súa futura xubilación, dado que moitos e moitas traballadoras de 50 anos, non van poder acceder á xubilación contributiva, por non ter a idade suficiente, e non van poder retornar ao mercado laboral, por razóns de idade.
O contrato de emprendedores/as laudeado polo goberno empregouse para cambiar traballadores e traballadoras maiores por mozos e mozas, e a indefinidos/as por temporais.
Para a CIG todos estes datos amosan por si sos que a reforma laboral non creou emprego, e xunto coa recesión económica, e os recortes en servizos públicos postos en marcha polo goberno baixo a escusa da austeridade, provocouse unha precarización sen precedentes das condicións sociolaborais das galegas e dos galegos, mentres que as rendas empresariais aumentaron de forma escandalosa até superar, por vez primeira na historia, a masa de remuneración de asalariados e asalariadas, o cal amosa o transvase de riqueza da clase traballadora á empresarial.
A CIG denuncia, unha vez máis, que este incremento das desigualdades sociais e de concentración da riqueza en mans de oligarcas e especuladores vén provocada polas políticas económicas dos gobernos do PP no estado e na Xunta. Políticas como a reforma laboral e a da negociación colectiva, adoptadas co pretexto de superar a crise e crear emprego, pola contra, xeraron e están a xerar unha fortísima destrución de emprego e unha escandalosa caída dos salarios.
Ante esta situación, a CIG exixe un cambio inmediato nas políticas económica, fiscal e laboral, para que se favoreza realmente a creación de emprego.
A central sindical tampouco comparte a valoración que sobre os datos do paro fixo Báñez e lembra o deterioro de todos os indicadores do mercado laboral nu contexto socioeconómico que impide albiscar unha pronta creación de emprego e a efectiva saída da crise.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
