A Deputación amosa o seu rexeitamento ós recortes anunciados pola Consellería de Educación que pechará para o vindeiro curso 9 unidades educativas na provincia de Lugo. Esta medida supón que os colexios de Antas de Ulla, Chantada, A Fonsagrada, O Vicedo, Lugo, Paradela e Begonte perderán unha unidade de primaria, mentres que A Pontenova e Navia de Suarna perden unidades de infantil. Son en total 13 postos de mestre que desaparecen e que se suman ós 54 postos eliminados pola Xunta do PP nos últimos anos.
O Deputado de Cooperación cos concellos, Álvaro Santos Ramos, e a presidenta da Federación de Asociacións de Nais e Pais de Alumnos da provincia de Lugo (FAPACEL), Elvira Lombao, amosaron o seu rexeitamento a estas medidas que consideran o desmantelamento do ensino público no rural.
Segundo Álvaro Santos, os continuos recortes provocan a masificación das aulas e o reagrupamento de alumnos o que pon en perigo a calidade educativa. Para o Deputado “estes datos revelan o pouco interese da Xunta por fixar poboación no rural, obxectivo que persegue a Deputación. Por iso non entendemos que se pretendan vender estas medidas como favorables para os cativos e os pais, porque a masificación das aulas, a falta de atención á diversidade e a precariedade nos servizos están moi lonxe dun ensino de calidade”. Para o Deputado é inadmisible que “A Xunta gaste en campañas de publicidade para ter fillos e retire os servizos públicos imprescindibles para crialos como son escolas, profesores ou libros”.
Álvaro Santos insistiu en que a crise non é escusa para recortar en educación e pola contra reclama un especial tratamento da educación no rural para evitar a súa desaparición. Dende que o Partido Popular chegou ó Goberno da Xunta foron varios os recortes acometidos no campo da Educación e que tiveron unha moi negativa repercusión no rural. Ó peche de unidades e retirada de mestres únese a eliminación da gratuidade dos libros de texto, co programa que puxo en marcha o bipartito, a suba do IVE que encarece as cotas a pagar, a unificación das rutas de transporte que supón máis tempo de desprazamento sobre todo no rural e o “repago” dos comedores.
Esta situación súmase o desmantelamento de Preescolar na Casa, un programa que beneficiaba a 900 nenos de Lugo, dos que o 90% son do rural, é dicir uns 630 pequenos de entre 0 e 3 anos que quedaron sen este servizo.
Recortes que inciden máis no rural
Elvira Lombao acusou á Xunta de “pretender cargarse o ensino no rural” e fixo público o malestar da Federación que preside por estes recortes. Denunciou que ademais das unidades que a Xunta anunciou que pechaba, na zona da montaña a Consellería retira outros 5 mestres especialistas de infantil. Segundo FAPACEL, Cervantes, Navia, O Incio e Samos quedan sen estes profesores de apoio que formaban parte dunha medida de discriminación positiva á montaña lucense e que estaban destinados de xeito provisional polo que a Xunta non recoñece que foran retirados.
A Presidenta das ANPAS de Lugo insistiu en que o agrupamento por niveis perxudica enormemente a calidade do ensino, cando como no caso de Cervantes se agrupan un profesor ten que atender a cativos de 5 niveis diferentes. As ANPAS e profesores critican ademais as formas e o tempo destes anuncios xa que consideran aproveitan o verán, co curso rematado para sacar o listado de unidades e profesores suprimidos na provincia de Lugo, tratando de evitar que estes colectivos organicen as súas protestas.
FAPACEL está a realizar diferentes iniciativas para reivindicar un ensino de calidade no rural como percorrer o Camiño a Santiago ou a Festa da Involución Educativa que se celebrará o día 23 en Cervantes.
Recortes na pública pero máis cartos para a privada
Por outra banda a Xunta ven de anunciar que subirá o prezo da rede de escolas infantís “A Galiña Azul” ata os 163 euros, 235 con comedor. A deputación considera que se trata Un prezo desorbitado que da conta da mala xestión dos recursos públicos, pero é que ademais recoñecen que as prazas que ofertan son insuficientes. En lugar de crear novas prazas, a Xunta dedícase a repartir cheques infantís para que os nenos acudan a centros privados.
A Deputación critica tamén o destino de fondos a centros privados e considera que “o PP está a desmantelar o sistema educativo público mentres fai unha clara aposta polo ensino privado destinando cada ano millóns de euros e creando unidades novas que retira do rural”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
