Lugo 14 de agosto de 2013.- A voceira do PP na Deputación de Lugo, Elena Candia, acompañada polos coordinadores territoriais do PP lucense, ofreceu este mércores unha rolda de prensa para anunciar que os populares pedirán nos 66 concellos lucenses que o Organismo Provincial cumpra as normativas e decretos no que atinxe a benestar.
“Posto que o Equipo de Goberno da Deputación de Lugo incumpre a normativa en vigor e falta á verdade nun área tan sensible e importante, presentaremos en todos os concellos da provincia de menos de 20.000 habitantes, mocións, instando á Deputación de Lugo a que cumpra a normativa social e proceda de xeito inmediato a completar as de axudas que resolveu recentemente e que veñen a cubrir unha media do 17% do servizo”- manifestou Elena Candia.
A DEPUTACIÓN RENUNCIA AO CONTRATO DE OBRA EN PORTOMARÍN: nin leva a cabo o pavillón neste concello, nin cumpre co decreto de servizos sociais
A voceira dos populares na Deputación de Lugo lembrou que o goberno provincial, malia a facer unha modificación orzamentaria na Xunta de Goberno do 11 de maio de 2012, non cumpre o decreto de servizos sociais
“O equipo de goberno da Deputación de Lugo renunciou a celebrar un contrato de obra en Portomarín, por un importe de 1.075.000 (compromiso adquirido) para destinar este diñeiro a servizos sociais e sen embargo, en maio de 2012, aprobou unha modificación orzamentaria, destinando 1.094.000 euros a benestar”- lembrou Elena Candia, quen denunciou que isto que deu lugar a que nin Portomarín conte co pavillón, nin que o Organismo provincial cumpra o decreto de servizos sociais.
A popular denunciou que a Deputación de Lugo non renuncia a empregar aos máis necesitados como instrumento político e négase a colaborar coa Xunta de Galicia
“Néganse a colaborar coa Administración Autonómica, cando as outras tres Deputacións galegas sí asinan o convenio”- lembrou Candia, quen tildou de escusas os argumentos manifestados polo ente provincial.
ANTONIO VEIGA, CÓMPLICE
Elena Candia responsabilizou a Antonio Veiga, que coa complicidade necesaria de Gómez Besteiro, incumpre, falta a verdade e utiliza politicamente aos máis necesitados.
“Hai varios datos económicos que respaldan estas críticas. Mentres que en áreas de goberno gastan por riba do que teñen, ata un 21%, en benestar, no ano 2011, deixa máis de 140.000 euros sen executar do que tiña dispoñible”- criticou a popular, quen engadiu que a maiores existe outro dato incomprensible: non se entende que un concello “gobernado polo BNG reciba unha subvención excepcional por importe de 60.000 euros para desenvolver actividades de entretemento, cursos de lecer e tempo libre, cantidade que non dan superado o que reciben 17 concellos para financiar un servizo obrigatorio, pois queda claro que a implicación no financiamento do servizo de axuda no fogar básico da Deputación de Lugo non é unha opción, senón unha obrigación”
INICIATIVAS POPULARES
Elena Candia lembrou que ante esta situación os populares levan adoptando moitas iniciativas.
“Entre outras, a sesión plenaria provincial de marzo de 2013, onde esiximos o cumprimento do decreto 99/2012, así como a habilitación dunha liña de axudas a servizos sociais públicos: unha liña de réxime de libre concorrencia ou a presentación de alegacións aos orzamentos do 19 de decembro e incluso a interposición dun recurso contencioso administrativo aos orzamentos do 2013, sendo este incumprimento unha das razóns fundamentais esgrimidas”.
A popular agradeceu a compañía dos coordinadores territoriais, unha presenza segundo Candia “mostra a unidade e contundencia do PP de Lugo e do Grupo Provincial Popular en denunciar os incomprensibles incumprimentos da Deputación provincial de Lugo en materia de servizos sociais.
CONTEXTUALIZACIÓN DA NORMATIVA
A Lei de servizos sociais foi aprobada polo goberno bipartito no ano 2008 e pretendía dar un novo escenario na regularización dos servizos sociais e acadar un gran pacto social a favor dos máis desfavorecidos, impoñendo unhas obrigas económicas a tódalas administracións: Xunta, Deputacións e concellos para que reservaran unha porcentaxe dos seus orzamentos.
Esta regularización queda perfeccionada continuando cos principios que instala a lei, no decreto de servizos sociais 99/2012 de 16 de marzo que establece que para os concellos de menos de 20.000 habitantes as deputacións provinciais financiarían maiormente o servizo de axuda no fogar básico e a contratación de persoal distinto aos traballadores sociais.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
