Ribadeo,14 de agosto de 2013. Ribadeo acollerá do 28 ao 30 de agosto o II Fórum de Innovación e Formación sobre Vehículos que organiza a Asociación de Profesores de Automoción de Galicia e tamén a I Mostra de Vehículos Clásicos que se desenvolverá os días 30 e 31 de agosto e 1 de setembro. As instalacións do hotel O Cabazo acollerán os dous eventos.
En total será arredor de 70 os participantes no Fórum, segundo os datos que deu a coñecer esta tarde o presidente de Apaga, Álvaro Doural. O II Fórum dará comezo o 28 de agosto ás nove da mañá coa entrega de documentación e ás 9:30 horas será a inauguración. Haberá ponencias polas mañás e as tardes estarán dedicadas a diversos obradoiros. O evento está dirixido a profesores da familia de transportes e mantemento de vehículos, a profesionais do sector do automóbil, así coma a alumnos universitarios e a afeccionados ao mundo do motor.
Doural subliñou que “o obxectivo é establecer un punto de encontro entre o profesorado, coñecer as últimas tecnoloxías que están a aplicar nos vehículos, realizar talleres de climatización, soldadura, multiplexados, manexo de ferramentas, sistemas de seguridade, etc. E tamén integrar aos traballadores en activo nos procesos de formación ao largo da vida”. O presidente de Apaga engadiu que “mantemos o esquema do programa do ano pasado. Polas mañás haberá conferencias sobre tecnoloxías punteiras no automóbil. Contaremos coa presenza das marcas máis representativas do sector como poden ser BMW, Mercedes, PSA, Bosch… E polas tardes terán lugar unha serie de obradoiros sobre cuestións prácticas”.
Coincidindo co II Fórum de Innovación e Formación sobre Vehículos desenvolverase a I Mostra de Vehículos Clásicos. Na exposición poderánse ver máis dunha vintena de coches de marcas como: Mercedes, Citröen, Renault, Seat, Simca… Todo será no recinto do hotel O Cabazo de Ribadeo. A Mostra de Vehículos Clásicos, que será os días 30 e 31 de agosto e 1 de setembro, poderase visitar de 10 a 14 horas e de 16 a 20 horas.
Esta tarde no Cabazo presentouse o programa definitivo do II Fórum de Innovación e Formación sobre Vehículos e a I Mostra de Vehículos Clásicos. Ao acto asistiu o vicepresidente primeiro da Deputación de Lugo, Antonio Veiga. A institución provincial é un dos patrocinadores desta cita formativa.
Doural e Veiga lembraron que foi hai moitos anos cando naceron unhas xornadas que foron unha referencia en Ribadeo “e que pola desidia dalgunhas administracións deixaron de celebrarse. Nós, modestamente, no que podemos colaborar así o fixemos o ano pasado e neste 2013 e animarvos para que sigades en anos sucesivos. Rematar con ese brinde para que noutras edicións haxa tamén colaboración desde outras institucións e seguir así a estela daquelas xornadas que deron tanta fama a Ribadeo e á comarca”, subliñou o vicepresidente da Deputación de Lugo.
Mostra do interese que esperta este Fórum e a Mostra de Vehículos Clásicos é que un importante coleccionista de coches de Madrid, que se atopa de vacacións en Ribadeo, se puxo en contacto coa organización para interesarse por este proxecto.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
