Cervo, 4 de novembro de 2013-A Casa da Cultura acollerá a partir deste venres a exposición de fotografía “Anxos, demos e outros retratos divinos de la muerte”, do fotógrafo coruñés Isidro Cea. Unha mostra de temática fantástica na que o autor inmortaliza a distintas personaxes que camiñan entre o real e o imaxinario: Eva no paraíso, Jack o Destripador, Romeo e Xulieta, a raíña da noite e outros retratos cunha técnica situada entre o realismo e a ilustración. Vinte retratos nos que o contorno, máxico, de lenda e de conto, tamén adquire a súa importancia, achegándose nalgúns casos á estética gótica.
A inauguración, aberta ao público, terá lugar este venres ás 20 horas na sala de exposicións da Casa da Cultura e contará coa actuación musical do grupo vocal SondeNós, composto por soprano, mezzosoprano, tenores, barítonos e baixo dos cales tres son mariñáns, en concreto de Viveiro e O Vicedo. Un grupo de recente formación pero que está formado por profesionais da música con estudos neste campo e unha longa traxectoria por separado.
En canto ao autor, Isidro Cea é técnico superior de Imaxe e Son dende hai máis de 20 anos e compaxina a súa labor de técnico de radio coa fotografía. Leva dende o 2008 realizando exposicións de diferente temática, aínda que a fantástica foi dende sempre a súa inspiración. “Anxos, demos e outros retratos divinos de la muerte” exhíbese nun concello da Mariña por primeira vez.
A edil de Cultura, Begoña Alonso, quixo aproveitar para convidar á cidadanía a asistir a inauguración “na que poderán contemplar a exposición mentres escoitan música vocal en vivo, de xeito que este acto será un momento único”.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
A chamada dunha persoa particular ao 112 Galicia permitiu activar un operativo de emergencias, aínda que nada puido facerse por salvarlle a vida. Segundo a información facilitada polo alertador, o accidente produciuse pasadas as oito desta mañá na N-VI, no punto quilométrico 503, en Lugo. Indicou que foi a moto o único vehículo implicado no sinistro e que, tras a caída, o condutor quedou tendido sobre a vía. Para facilitar a asistencia médica, o persoal do Centro Integrado de Atención ás Emerxencias de Galicia solicitou a intervención dos profesionais de Urxencias Sanitarias de Galicia-061 e dos axentes da Garda Civil de Tráfico e da Policía Local. Sen embargo, nada puido facerse por salvarlle a vida ao motorista, xa que, apenas uns minutos máis tarde confirmouse o seu falecemento.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Está a celebrarse do 1 ao 5 de xullo na piscina municipal o primeiro campus de verán de waterpolo, dirixido a deportistas federados que queren aprender e gozar deste deporte nun ambiente divertido e formativo, en colaboración coa FEGAN e que conta coa visita de profesionais deste deporte, que comparten a súa experiencia e coñecementos cos participantes.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
