Ribadeo, 12 de setembro de 2014.- A CIG-Ensino apoia as reivindicacións das Anpas do IES de Alfoz e do Ceip Vicente Casabella de Ourol na que demandan da Consellaría de Educación máis profesorado para atender as necesidades do alumnado dos respectivos centros. Así mesmo, a CIG apoia a concentración convocada polos pais e nais do IES de Alfoz este domingo en demanda de especialistas para os seus fillos e fillas.
Xa noutros anos, a CIG ten denunciado da falta de especialistas no IES de Alfoz (en concreto o profesor de Matemáticas) e demandado a cobertura desas prazas para que non exista unha agravio comparativo para o alumnado deste centro con respecto a outros da comarca. Non ten explicación que alomenos a praza de Matemáticas non fora cuberta cando os informes da Inspección Educativa eran favorables e había un compromiso por parte da Delegación de cubrila.
O caso de Ourol é sintomático da pouca atención e interese de Educación por manter o ensino no medio rural e de cómo pouco a pouco foi eliminando as escolas rurais que existían. Non é razoable nin pedagoxicamente admisible que unha soa profesora atenda 6 cursos de escolares que van desde os 3 aos 6 anos, todos na mesma aula. A decisión neste caso aínda se entende menos cando o centro ten o mesmo número de alumnos que o ano pasado, entrando 3 novos en infantil que son os que máis atención necesitan.
Estes dous casos son unha mostra máis da política educativa levada a cabo estes últimos anos polo PP na Xunta de Galiza que representou o desmantelamento paulatino dos centros educativos do rural galego, o abandono do ensino público en beneficio do privado concertado (supresión de 63 unidades no ensino público mentres se concertan 79 unidades novas no privado concertado), redución de profesorado (3.000 profesores menos nos últimos 5 anos), masificación das aulas, maior precarización e inestabilidade do profesorado, marxinación do noso idioma e empeoramento da calidade do ensino.
Desde a CIG Ensino demandamos da Consellaría de Educación unha actitude máis dialogante para chegar a unha solución que satisfaga a todos pero sobre todo á educación dos nenos e nenas afectados.
Dores Fernández Abel
Secretaria da CIG-Ensino da Mariña.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
