O Centro de Interpretación da Mariña (CENIMA) en Foz acolleu este venres unha charla-coloquio sobre “PROXECTOS DE ACTIVIDADE E A SÚA TRAMITACIÓN ADMINISTRATIVA” á que acudiron medio cento de participantes entre os que se encontraban alcaldes, técnicos municipais, así como arquitectos técnicos e outros profesionais interesados.
O acto, organizado polo Colexio Oficial de Aparelladores, Arquitectos Técnicos e Enxeñeiros de Edificación de Lugo, foi presentado por Xabier Pardiñas, vocal representante da costa da Xunta de Goberno deste colectivo, quen mostrou o seu “agradecemento á predisposición a organizar esta xornada en terras mariñás, onde se atopan case o 25 % dos nosos colexiados”. Respecto á temática que se expuxo no acto, destacou a “importancia da aplicación da lei 9/2013, que supón unha significativa modificación na regulación do réxime xurídico e dos instrumentos de intervención administrativa aplicables á apertura de establecementos, así como na regulación do réxime de comunicación previa para o exercicio de actividades e a realización de actos de uso do solo”.
Inaugurou o acto D. Antonio Javier Nuñez Nuñez, presidente do Colexio oficial de Aparelladores, Arquitectos Técnicos e Enxeñeiros de Edificación de Lugo, quen destacou a intención de levar a cabo “un acercamento ós colexiados e á sociedade das actividades do noso Colexio”.
A charla-coloquio foi impartida por Dª. Fátima López Soto, Arquitecto Técnico, funcionaria do Departamento de Urbanismo do Concello de Sarria e D. Alberto Pensado Seijas, Licenciado en Dereito e Ciencias Políticas, funcionario do Departamento de Urbanismo do Concello de Lalín, quen demostraron os seus coñecementos na materia respondendo ás dúbidas dos asistentes.
A clausura do acto contou coa presenza de D. Javier Jorge Castiñeira, alcalde de Foz, quen mostrou a a súa “predisposición e colaboración para a celebración deste tipo de eventos” e agradeceu ó Colexio Oficial de Aparelladores, Arquitectos Técnicos e Enxeñeiros de Edificación de Lugo a celebración deste acto.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
