Foz, 27 de xaneiro de 2015. A comisión de seguimento do plan xeral de ordenación municipal (PXOM) de Foz reunirase este mércores para analizar o documento que irá a aprobación provisional nun pleno da corporación municipal, previsiblemente no mes de febreiro.
O alcalde focense, Javier Jorge Castiñeira, anunciou este martes que “para mañá, mércores, está convocada a comisión de seguimento do plan xeral de ordenación urbana do concello de Foz, formada por representantes políticos e dos grupos de traballo cidadáns, que foi constituída no inicio deste plan. Nesa reunión vaise presentar xa o documento definitivo que irá á aprobación provisional, que se conta que sexa xa no mes de febreiro, previa valoración por parte desta comisión”.
O rexedor municipal destacou que “para o concello é fundamental que siga adiante a aprobación provisional e a resolución das alegacións, cos informes preceptivos do propio equipo redactor. Para chegar a esta aprobación provisional fíxose un traballo intenso durante case un ano, con máis de 30 administracións que informaron o plan inicial que se reenviou e que estivo a exposición ao público, coas diferentes modificacións que propuxeron todas estas organizacións, todos os informes sectoriais que se recibiron durante todo este tempo e as diferentes reunións que se tiveron con estes organismos, incluída a Dirección Xeral de Urbanismo, pois estivemos varias veces coa secretaria xeral de Urbanismo, Encarnación Rivas”.
Javier Castiñeira engadiu que “para os concellos é importantísimo ter este documento. Estamos vendo que na Mariña hai varios concellos que aprobaron definitivamente o plan xeral de ordenación, como son os de Xove, Burela e Ribadeo. E Foz non pode deixar de aprobalo, porque é un documento dos máis importantes da lexislatura e do que todos se senten orgullosos por aprobalo, xa que aporta seguridade xurídica sobre a normativa urbanística aos cidadáns. É un documento que é importante para que o noso concello sexa moderno e un lugar onde se poidan facer investimentos con seguridade xurídica”.
O alcalde tamén comentou que “durante estes próximos días trataranse de resolver todas as alegacións que estean ben informadas polo equipo redactor. E a partir de agora queda un importante traballo político na corporación, que, en definitiva, é quen debe aprobalo. Polo tanto pido seriedade por parte de todos os grupos. Este documento, tal e como se prometeu, vaise presentar nesta lexislatura, sen ningún obstáculo por parte do grupo de goberno nin temor electoral, nin moito menos. Creo que é un documento que hai que sacar para adiante; e ante as coincidencias con campañas electorais cada un debe facer o que considere, pero, por suposto, o grupo de goberno actúa con responsabilidade ante todo e, dende logo, este traballo vai ter o noso apoio, o dos cinco concelleiros do Partido Popular”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
