O VALADOURO, 27 DE ABRIL DE 2015.- O Partido Socialista aposta por Edmundo Maseda para seguir gobernando en O Valadouro, pois, pola vía dos dos feitos, demostrou que se trata do “mellor alcalde” que tivo este municipio. Proba delo é que, logo de dous anos de Goberno do PSOE, o concello “goza de moi boa saúde”, xa que conta con 433.000 euros de remanentes de tesourería.
“Cando chegamos, Lamela tíñao sen liquidez, con cartos que non chegaban para pagar as nóminas, nin a luz do mes de agosto de 2013; todo isto, a consecuencia dun Orzamento prorrogado dende 2009 e sen mencionar o calendario do despacho que era de 2006”, apunta o alcaldable.
“Este foi o gran reto meu e o do meu equipo”, afirma Maseda, ao tempo que anuncia que “nos vindeiros días comezaremos a repartir uns libros que recollen todos os datos da entidade local dende que os socialistas estamos á fronte da mesma. Neles, tamén figurará todo o traballo que fixemos. Pretendemos mostrarllo á xente de forma gráfica, porque non son promesas, son realidades e os veciños poderán ver e comparar”.
Debate público
Dada a xestión extraordinaria realizada polo actual equipo de goberno, “e posto que non temos nada que ocultar”, o alcaldable convida ao resto de forzas políticas a un debate público entre os candidatos, xa que “na nosa compaña non valen os insultos nin as ameazas. Somos xente normal e así o queremos facer ver”, insiste.
Unha candidatura que “representa ao pobo”
Deste xeito, Edmundo Maseda presenta unha candidatura “que representa ao pobo de O Valadouro”. Para elo, inclúe “persoas altamente involucradas nas asociacións, de diferentes sectores de traballo, e onde cada un deles aporta moito a ao grupo”. Neste senso, a lista completa é a seguinte:
1.- Edmundo Maseda.
2.- José Luis Fernández Maseda.
3.- María Mon Geada.
4.- María Pilar Váquez Hermida.
5.- Pedro Paz González.
6.- José Antonio Cuba Manase.
7.- Miguel Ángel Ares Coral.
8.- Esteban Arturo Prieto Ferreiro.
9.- María José Barreira Goás.
10.- Luis Pernas Balseiro.
11.- José Ramón Santiso.
Suplentes:
1.- Iago Fernández.
2.- Pablo Gómez Pardo.
3.- Alejandro Teijeiro.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
