Para facer pública a candidatura, Veciños Independentes de Alfoz realizou un acto de presentación o pasado venres 24 de abril no restaurante “O Frenazo” de Alfoz, con numerosa asistencia de simpatizantes. Tras a presentación, os candidatos e demais membros do grupo de traballo que forman Veciños Independentes de Alfoz compartiron un aperitivo entre os asistentes.
Durante o evento, ademais de proxectarse un vídeo de presentación de VIA, interveu Xabier Pardiñas Suárez, candidato á alcaldía, quen subliñou que “esta candidatura é un reflexo da realidade de Alfoz, acollendo a homes e a mulleres a partes iguais, a persoas de varias xeracións, a pais, a rapaces que queren asentar a súa familia no concello e a outros que tiveron que buscar vivenda ou traballo fora de Alfoz, moito ó seu pesar”.
Durante a súa intervención Xabier Pardiñas indicou que “o noso concello necesita ideas non ideoloxías, o importante é a xestión e non tanto os dogmas ideolóxicos preestabelecidos. As persoas que formamos VIA consideramos que nos debemos única e exclusivamente ó veciños e veciñas de Alfoz sen ordes de partido. Vós sodes os protagonistas do futuro de Alfoz”. Engadiu tamén que “É o momento de darse conta que estamos inmersos nun proceso de cambio que non ten marcha atrás. Debemos deixar de lamentarnos pola pasado e mirar cara o futuro. Sexamos partícipes deste cambio. Debemos subir a nosa autoestima e deixar de dicir “isto non ten solución”, “isto acábase”, “aquí non hai futuro”. Isto non é certo. Aquí si que hai futuro, Alfoz ten futuro, e ese futuro será o que vós queirades que sexa. Nós simplemente queremos ser a vosa ferramenta para ese cambio”.
Tras a intervención presentouse a candidatura que está formada por 6 homes e 6 mulleres. A candidatura é a seguinte:
1. Xabier Pardiñas Suárez
2. Carmen Dolores Geada Maseda
3. Efigenia Maseda Paz
4. Pablo José Maseda Rubal
5. Marcela Isabel Paz Díaz
6. José Luis Cascudo Cascudo
7. Paula García Álvarez
8. Francisco José Fernández Fraga
9. María Ángeles Ferreiro Manciñeiras
Como suplentes:
1. Blanca Pértega Maseda
2. Daniel Pérez Pardiñas
3. Jordi Melián Pagés
Os membros de Veciños Independentes de Alfoz queremos mostrar o noso agradecemento ós veciños e veciñas que asistiron a esta presentación por darnos o seu apoio.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
