Foz.28-7-16.A Asociación Socio-Cultural “A Pomba do Arco” dará comezo o vindeiro Luns 1 de Agosto a XXI edición das Xornadas de Historia Local que esta asociación ven celebrando de xeito ininterrompido nas primeiras semanas do mes de Agosto.
As Xornadas de Historia Local téñense convertido xa a esta altura en toda unha referencia da proposta cultural do Concello de Foz polo seu contribúo a pór en valor o pasado de Foz, pero entendendo este como diálogo co presente. Referencia para os focegos pola súa achega á recuperación a historia de Foz, pero non entendida como un todo, ou unha sorte de reino para erudición senón pola contra como unha parte da historia xeral de Galiza. É referencia para a os veciños pola súa pretensión de divulgar o noso pasado, con todas as súas contradicións, na perspectiva de elevar a auto estima de todos cantos vivimos en Foz.
As Xornadas de Historia Local, teñen negado outra volta máis o exabrupto daquel clásico do século XIX, porque todos os pobos teñen historia é o que precisaba Foz, non era nin máis nin menos que esta se fixera visible, se recollese por escrito e se divulgase. A Pomba do Arco está certo que contribúe a isto e nese camiño dirixe o programa da presente edición das Xornadas, percorrendo diversos períodos da nosa historia, achegándose a temáticas diferentes, abrindo novas vías para a investigación e introducindo novos relatores con outros xa habituais desta cita.
As conferencias inícianse o Luns 1 de Agosto ás 20:30 na Casa da Cultura “Poeta Manuel María” de Foz cunha palestra a cargo de José Manuel Romero Moreno co titulo “ O Condado de Fontao” onde se percorrerá a historia do mesmo desde o século XV até o século XXI. Romero Moreno, doutor en dereito, catedrático de filosofía do dereito e avogado, actualmente é Conde de Fontao e Marqués de San Sadurdiño.
O Martes 2 de Agosto ás 20:30 na Casa da Cultura “Poeta Manuel María” de Foz contaremos co presenza de Carlos Nuevo Cal,Cronista Oficial de Viveiro, historiador é autor dunha abondosa produción bibliográfica sobre o período contemporáneo na Mariña. A súa charla titulada “As irmandades da fala na Mariña”, será un percorrido pola historia desta entidade da que celebramos o centenario na Comarca así como da importante relación de Antón Vilar Ponte e Noriega Varela con Foz onde editaron o xornal “Automobil” e o “Guau Guau”.
O Mércores 3 de agosto, tamén no Salón de Actos da Casa da Cultura “Poeta Manuel María de Foz e no mesmo horario, as 20:30 a conferencia leva por título “Crónicas da emigración focega” é supoñerá un percorrido pola historia da emigración focega, deténdose na obra social e cultura desenvolta por estes así como nalgúns dos fitos dos nosos emigrantes. O autor do relatorio será Martín Fernández Vizoso, xornalista, crítico literario é autor de números traballos sobra a historia da emigración mariñá e focega.
O Xoves 4 de Agosto, a conferencia correrá a cargo de Eliseo Fernández Fernández, historiador e documentalista, importante especialista na investigación do movemento obreiro, a represión e a guerrilla en Galiza, cuxas traballos fican recollidos en diversas publicación individuais ou colectivas. Eliseo Fernández achegaranos a s actividades da guerrilla antifranquista nas terras de Foz así como dos focegos que tiveron unha participación activa na loita guerrilleira.
As Xornadas fecharanse o Venres 5 de Agosto cunha palestra ás 20:30 no Salón de Actos da Casa da Cultura baixo o titulo “Os normandos no norte galego” coa que se pretende achegar información sobre a presenza dos pobos do norte nas nosas terras. O autor do relatorio é Xoán Ramón Fernandez Pacios, historiador, directivo da Pomba do Arco é autor dunha documentada biografía sobre San Gonzalo que significa unha das máis importantes achegas aos estudos dos normandos en Galiza.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
