Burela, 31 de agosto de 2016. No día de hoxe o concelleiro de Turismo e primeiro tenente de alcalde do Concello burelés, Ramiro Fernández Rey, fixo unha valoración moi positiva da campaña turística de verán do ano 2016, tanto dos datos de ocupación como das visitas que se rexistraron na oficina de turismo e no barco museo, “onde se viu un incremento espectacular con respecto ao ano 2015, o que fai pensar que a liña de traballo que se está a levar a cabo tanto pola Delegación de Turismo, como polo resto de Delegacións do Concello, están a dar os seus froitos o que anima a seguir este traballo, a seguir a apostar pola promoción turística de Burela”.
O edil socialista indicou que “o número de visitas rexistradas no mes de agosto na oficina de turismo chegou ás 2.469 consultas, un dato que supera con moito as 1.864 do mesmo período no ano 2015, o que supón que 605 persoas máis pasaron por esta instalación no mes de agosto deste 2016. En canto ao barco museo os datos son tamén moi positivos xa que si no ano 2015 pasaran a visitar o barco en agosto 774 persoas, no ano 2016 practicamente se duplicaron as visitas chegando ás 1.392. Estes datos son moi positivos e poñen de relevancia o traballo feito na promoción turística por parte deste equipo de goberno”.
Ramiro Fernández Rey referiuse tamén á ocupación hoteleira: “rozouse o 100% de ocupación na maioría de hoteis turísticos de Burela, o que significa que a economía de Burela se veu moi beneficiada, sendo este o obxectivo principal que buscamos coa inversión na promoción turística do pobo”.
O concelleiro de Turismo sinalou que “dende o equipo de goberno traballouse arreo para que Burela tivera actividade durante todo o verán e conseguimos, nun traballo coordinado entre as diferentes Delegacións, ter actividades durante todo o verán. Burela converteuse nun referente durante a época estival na Mariña, e os datos contrastan claramente que a liña de traballo debe seguir insistindo en darlle actividade ao pobo durante o verán”.
Rutas xeolóxicas
Fernández Rey subliñou que “dentro das novas iniciativas as Rutas Xeolóxicas conseguiron unha participación superior ás 400 persoas. É unha iniciativa da que realmente estamos moi orgullosos, xa que ademais de tratarse dunha actividade novidosa, serve tamén para coñecer a historia xeolóxica do noso pobo. É evidente que seguiremos impulsando estas rutas e xa anunciamos que temos un proxecto conxunto xunto cos Concellos de Ribadeo e de Cedeira, que se presentou na convocatoria de axudas do GALP e que ademais foi o máis valorado de todos cantos se presentaron. Deste xeito pretendemos darlle contido a este tema e continuidade durante todo o ano”.
O concelleiro de Turismo amósase satisfeito polos datos que deixan este verán de 2016: “en definitiva mostrar a nosa felicidade por estes datos e por ver que o traballo comeza a dar os seus froitos. A imaxe de marca BurelaBonita empeza a retornar a inversión feita, a posta en marcha da páxina web www.turismoburela.org tamén está dando datos de visitas importantes e evidentemente calquera puido comprobar que este verán en Burela veuse actividade e moitos visitantes, cousa da que nos sentimos moi orgullosos”.
O tamén primeiro tenente de alcalde do Concello burelés engadiu: “imos seguir traballando na difusión da marca BurelaBonita e xa estamos vendo as inversións en turismo e medio ambiente que imos a implantar de cara ao ano que ven, xa que tamén detectamos cousas a mellorar e neso imos a traballar, temos marxe de mellora en canto a equipamento de praias, e en canto a limpeza das mesmas, cousas nas que xa se está a traballar e que estamos seguros que o verán do ano que ven serán melloradas”.
Ramiro Fernández Rey tamén tivo palabras de agradecemento: “temos que agradecer tamén o traballo tanto das asociacións que impulsan as actividades no verán, ao persoal tanto da oficina de turismo como do punto de atención turística do Concello, ao persoal do barco museo… a todos eles grazas pola súa profesionalidade e esforzo, sen o que non sería posible acadar estes excelentes datos. Podemos afirmar que con estes datos na man este ano 2016 será recordado como un ano histórico no turismo de Burela, que temos que tentar afianzar e mellorar de cara a próximos anos”.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
