Tan só un día ten o Pescados Rubén Burela FS para repoñerse do intenso partido na casa do Atlético de Madrid Navalcarnero (2-1), que se lle escapou no último suspiro cun dobre penalti. Logo de disputar este xoves a segunda xornada -aprazada pola morte de Neco-, as pupilas de Lucas e Julio Delgado disputarán este sábado o 4º compromiso de liga na pista de Afar Majadahonda FSF (A Granadilla, 20.00 horas).
O Majadahonda recibirá o Pescados Rubén con 3 puntos traballados no seu feudo, empatado coas mariñás (UA Alicante 3-2, 3-2 Roldán, Gironella 3-1). “Será un partido moi complicado ante un rival moi anárquico, que é forte na casa, con xogadoras moi verticais e agresividade en defensa. O equipo está canso pero intentaremos levantar o voo cos tres puntos” advertía Lucas en vésperas da cita.
Sen novidades logo de onte, o cadro laranxa, que xa se quedou en Madrid, dispoñerá dos mesmos efectivos: 3. Dany, 6. Silvia, 7. R. Betim, 9. Sabela, 10. Lara, 12. Ana Romeu, 13. Nerea, 14. Bea Mateos, 16. Cilene, 17. Sofía, 18. Shiori, 26. Elvira
Atlético de Madrid 2-1 Pescados Rubén Burela FS
O Pescados Rubén freou a solidez das titánicas madrileñas durante moitos minutos e ata se puxo por diante no marcador ao comezo da segunda parte, logo de chegar ao descanso co electrónico sen goles. “Optamos pola mesma filosofía de Supercopa, con xogo en media pista pero con máis armas, cos recursos das últimas incorporacións” explicaba Lucas nunha cita na que as burelistas xeraron perigo á contra fronte á posesión do Atlético. A acumulación de faltas condicionou en exceso ás mariñás na segunda parte: “Despois do gol de Dany (minuto 23), nós seguimos apostando por atopar as nosas ocasións á contra, pero vímonos obrigados a dar un paso atrás axiña coas cinco faltas” reflexionaba o técnico, expulsado no minuto 25, por protestar. No minuto 33, Amelia igualou a contenda e soubo esperar para levar os tres puntos, nos últimos segundos, con dobre penalti de Ari.
Atlético de Madrid Navalcarnero: Estela, Leti, Ju Delgado, Amelia Romero e Ari -cinco de inicio-. Tamén xogaron Marta Pelegrín, Desi e María Sanz.
Pescados Rubén-Burela FS: Ana Romero, Dany, R. Betim, Bea Mateos, Cilene -quinteto inicial-. Tamén xogaron Shiori, Lara, Sofía e Silvia.
Goles: 0-1, minuto 23, Dany; 1-1, minuto 33, Amelia Romero; 2-1, minuto 40; Ari (dobre penalti).
Árbitros: José Luis Alonso Abad e Álvaro Alonso Abad (Madrid). Expulsaron o técnico mariñán Lucas (minuto 25). Amoestaron as burelistas Bea Mateos, Dany e Cilene, e a Leti e Ari polo Atlético.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
