Lugo, 19 de abril de 2017. O Presidente da Deputación, Darío Campos Conde, convocou para este mércores un encontro cos Alcaldes da provincia no que aclararlles todas as súas dúbidas sobre o Plan Único, pois os Concellos poden presentar os seus proxectos ata o 2 de maio incluído. Campos Conde puxo a disposición dos Rexedores os técnicos provinciais para resolver todas e cantas cuestións poidan xurdir e explicou que en www.deputacionlugo.gal teñen toda a documentación sobre o plan.
Campos Conde apuntou que despois do 2 de maio, os técnicos provincias avaliarán os proxectos e memorias que presenten os 67 Concellos. Feito isto, comunicaráselles aos municipios os posibles erros administrativos e abrirase un prazo de 10 días para a súa subsanación. O obxectivo do Goberno Provincial é levar en maio a Pleno a aprobación do conxunto de iniciativas, dotadas de 20 millóns de euros, para a súa execución. O Presidente decidiu ofrecer aos Concellos un anticipo do 80% dos fondos totais que lles corresponden co obxectivo de inxectar canto antes un total de 16 millón de euros cos que reactivar a economía da provincia e pontenciar o emprego e o benestar.
Distribución de fondos
O Executivo da Deputación deseñou un Plan Único de 20 millóns de euros, que o Presidente decidiu distribuír nos 67 Concellos da provincia en base aos criterios obxectivos aprobados por unanimidade na FEGAMP: superficie, poboación, entidades de poboación e índice de envellecemento. Campos Conde establecu un mínimo de 150.000 euros e un máximo de 500.000 euros por Concello para que os fondos cheguen en condicións xustas aos veciños. En base a isto, os municipios de Negueira de Muñiz e Rábade, que son de menos poboación e superficie na provincia, reciben preto de 190.000 euros; e os de Monforte de Lemos, Sarria, Vilalba, Lugo e Viveiro, con máis veciños e extensión, 500.000 euros.
Un mínimo do 70% para investimentos, emprego e servizos sociais
O Presidente tamén fixou que como mínimo a metade dos fondos que reciba cada municipio teñen que destinarse a novos investimentos, así como que deben achegar, cando menos, a mesma cantidade do ano pasado para o POS, o DEPUEMPREGO e o SAF. Con estas medidas, o Goberno Provincial garante que como mínimo máis do 70% dos 20 millóns de euros do Plan Único sexan para investimentos, emprego e benestar. Pois os 67 Concellos destinarán polo menos 10 millóns a investimentos e 4,5 millóns de euros ao SAF e DEPUEMPREGO.
Campos Conde explicou que “facemos isto porque os nosos obxectivos son reactivar a economía da provincia, favorecendo novos investimentos e non novos gastos correntes; e potenciar as infraestruturas, o emprego e o benestar no rural. Queremos que os fondos públicos da Deptución para este plan repercutan e beneficien a quen o ten que facer: aos máis de 300.000 lucenses da nosa provincia”.
Ao respecto dos gastos correntes, nos que se inclúe o SAF e DEPUEMPEGO, ao seren fondos para a contratación de persoal; o Executivo Provincial establece que os investimentos para actividades culturais e deportivas non superen os 8.000 euros e os dirixidos a feiras e festas, os 6.000. Hai unha excepción, pois no caso de que os Concellos teñan recibido unha cantidade maior no 2016, poderán achegar o mesmo. Tamén hai limitacións, xa que o Goberno da Deputación decidiu non financiar actividades que empreguen animais non domésticos para exhibicións ou comercializacións; espectáculos como touradas ou circos; ou eventos nos que se faga un uso sexista da indentidade sexual ou con connotacións pexorativas da identidade de xénero.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
