Lugo, 18 de maio de 2017. O Presidente da Deputación, Darío Campos Conde, xunto ao viñetista, Luis Davila “O Bichero”, e á Deputada de Cultura, Deseño e Artesanía, Pilar García Porto, presentaron este xoves no Museo Provincial de Lugo, a mostra Humor do país, que estará exposta ata o 31 de xullo na sala de exposicións temporais do museo. A colección do famoso viñetista, está enmarcada dentro da programación, que o Goberno da Deputación ofrece, de xeito gratuíto, durante o mes de maio, co gallo do Día Internacional dos Museos, que se celebra este 18 de maio.
Campos Conde subliñou que “temos o privilexio de contar con esta mostra do prestixioso ilustrador e humorista, Luis Davila “O Bichero”, que nos amosa, a sociedade actual dende o seu característico punto de vista e retranca. Quero aproveitar que hoxe celebramos o Día Internacional dos Museos, para agradecer o labor que os traballadores da Rede Museística da Deputación, realizan durante todo o ano, para que as nosas salas expositivas e os nosos proxectos sexan únicos e recoñecidos, dentro e fora de España.”
O Museo Provincial de Lugo, acolle 95 viñetas de Luis Davila, que versan sobre distintos temas de actualidade, como a sanidade, o turismo, a educación, ou a igualdade, entre outros. Este conxunto de obras, forma parte dunha exposición colectiva do debuxante e humorista galego, que reúne ilustracións do autor nos 4 museos da Rede Museística da Deputación. Ademais, durante a presentación de Humor do País, os participantes realizaron un obradoiro de viñetas impartido por Luis Davila.
Luis Davila
Luis Davila Malvido naceu en 1972, no Concello de Bueu en Pontevedra. Cursou estudos de Deseño Gráfico e Ilustración na Escola de Artes Aplicadas Pablo Picasso, da Coruña. Traballou en diferentes axencias de publicidade e en 1997 entrou a formar parte da sección de deseño do xornal Faro de Vigo. Dende o ano 1998 publica en Faro de Vigo unha viñeta de humor diaria chamada “O Bichero”. Ten publicados seis libros recompilatorios. Na súa faceta como pintor, xa ten realizado máis dunha véntena de exposicións e no ano 2006 recibiu o 1º Premio da bienal Arte no Morrazo.
Programación
Museo Fortaleza San Paio de Narla
– O 20 de maio terá lugar a actividade Noite dos Museos, dirixido ao Club Pequeamig@s, no que os rapaces realizarán actividades e pasarán a noite no museo.
– O 27 de maio ás 12:00 horas, presentación da exposición/obradoiro Humor do país, por Luis Davila.
Museo Provincial do Mar
– O 19 de maio ás 18:00 horas, presentación da exposición/obradoiro Humor do país, por Luis Davila.
Museo Pazo de Tor
– O 19 de maio ás 11:30 horas, obradoiro nós+outrxs en rede, con Violeta Bernardo, dirixido aos integrantes de Ágora-Monforte.
– O 20 de maio ás 11:00 horas, obradoiro A horta de Tor, dirixido ao Club Pequeamig@s, no que plantarán produtos autóctonos, como tomates, pementos, ou patacas, entre outros.
– O 20 de maio ás 11:00 horas, obradoiro de Xogos tradicionais, dirixido ao Club Pequeamig@s, no que practicarán distintos xogos.
– O 25 de maio ás 16:30 horas, obradoiro de Álbum de Memoria, no que participarán os usuarios do xeriatrico do Concello de Monforte de Lemos, no que realizarán distintas actividades enfocadas en traballar a memoria.
ICOM
O Consello Internacional de Museos (ICOM) é unha organización internacional de museos e profesionais, dirixida á conservación, mantemento e comunicación do patrimonio natural e cultural do mundo, presente e futuro, tanxible e intanxible. Creado en 1946, ICOM é unha organización non gobernamental (ONG), que mantén unha relación formal coa UNESCO e ten status de órgano consultivo do Consello Económico e Social das Nacións Unidas. Este ano o lema escollido polo ICOM Internacional, é Museos e historias controvertidas. Dicir o indicible en museos. Con esta iniciativa, o Consello Internacional dos Museos, busca que os Museos establezan un diálogo entre distintos interlocutores e exerzan un papel activo, e no seu caso reconciliador cos feitos e historias traumáticas, memorias feridas, do pasado.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
