PP de Burela: “palabrería, e algo de soberbia, o xeito de actuar do Alcalde”

Burela, a 13 de maio de 2017. Nos últimos meses, o alcalde de Burela está actuando de xeito preocupante, pensando máis en ocupar espacios na prensa con manifestacións rimbombantes, con moita palabrería, ca en xenerar beneficios reais para os veciños. Como mostra, o pretendido plan de tráfico. Un plan de tráfio que ninguén coñece, que non se lle espuxo a ninguén e que polo tanto non se pode analizar, anque sí sabemos das intencións e das realidades do alcalde. E tamén está a actuar con algo de soberbia. Vexamos.

Moitos lembrarán que o alcalde dixo hai un ano que logo de que se abrise o acceso ó porto se aplicaría de xeito “inmediato” un plan de reordenación do tráfico, plan que estaban ultimando. Volveu a decir o mesmo os días da apertura do acceso, con máis bombo ainda, decindo que a intersección do acceso con Eijo Garay ía ser un caos, etc., etc. Reiteramos que ningúen coñece tal plan, que a ninguén se lle espuxo, e que por non saber ninguén sabe cáles son as liñas básicas. Lembramos que a actual ordenación do tráfico na zona centro, nas Calles Novas, data de 2006, cun goberno do PP, e daquela sí que se lle espuxera á Asociación de Veciños.

Hai ano e medio, dixo que ía trasladar o mercado, que estaban preparando un regulamento. Baraxou Torrentes, creando expectativas na hostalería da zona, loxicamente. Desde hai un ano, fala de levar o mercado para as prazas de A Mariña e do Concello e a un tramo de Eijo Garay, e afirma que está ultimando o regulamento do mercado. Tal regulamento nin foi a pleno, nin se tratou en Xunta de Goberno e creemos que “nin se lle agarda”. Por palabrería, que non sexa.

Hai sei meses que leva falando da peonalización dun tramo de pouco máis de cincuenta metros de Eijo Garay, incluida dentro dun plano de peonalización de rúas (que en boa lóxica debería estar incluido no plano de ordenación do tráfico…); plano de peonalización que tampouco a ninguén se lle espuxo, nin tan siquera ós veciños e comercios da zona, nin ó pleno, nin ás comisións informativas. O sorprendente (ou non…) é que só fala de peonalizar ese tramo, desde o BBV ó Santander. De levalo a cabo, o caos de tráfico que se xeneraría sería solemne. E como xa sabemos que hai xente para todo, as malas linguas din pola rúa que o motivo real da posible peonalización puidera estar en que nese tramo, nun local antes ocupado por unha perruquería, se abrise un establecemento de hostalería, por parte dunha persoa mui vencellada ó grupo de goberno, que pretendería poñer unha terraza, terraza que algúns sospeitan que tamén podería ocupar parte da Praza do Concello. De feito, algúns veciños do entorno andan xa coa mosca detráis da orella. Nós, no noso afán de bempensados, non quixéramos pensar que eso puidera acontecer, pero con este alcalde podemos agardar calquera cousa…. E hasta puidera que os rumores foran certos, porque recentemente nunha xuntanxa o alcalde afirmou, algo cabreado, que eso ía ser sí, ou sí.
O último, que non o derradeiro, o de Arcadio Pardiñas. Anda boa parte da veciñanza da avenida cabreada, e con razón. Cambiar cousas que levan funcionando axeitadamente, non é boa política… Sacar pasos de peóns empregados por centos de persoas ó día…; eliminar zonas de carga e descarga (hai dous anos, o concelleiro de Tráfico dixo que en Burela había que apoiar ó comercio local con máis zonas destas…), provocando distorsións no servicio ós comercios…; eliminar a liña discontinua, provocando que se se quere xirar se teña que ir dar a volta á rotanda do acceso…; deixar o tramo peor sen reparar, o que sube hasta o Correo Vello… E que por riba o alcalde se cabree cos veciños cando se lle van plantexar as cousas con seriedade e argumentos, resulta penoso e di moito da forma de ser deste home… Unha actitude que cando menos se pode calificar de soberbia.

Item máis… Agora “amenaza” con poñer zona azul en Burela… Sabe este home ónde tén o norte?
A esto queda reducido o plan de tráfico que ninguén veu, que a ninguén se lle espuxo… Reducido ós impulsos e ós presuntos cambalaches, do soberbio, palabreiro e, como vemos, non tan “pacífico” pero sí cabreable alcalde do noso concello? Atentos ós vindeiros capítulos.

O GRUPO MUNICIPAL DO PARTIDO POPULAR.