Burela, 31 de agosto de 2017. O Concello tivo que renunciar á subvención para contar cunha brigada de prevención de incendios. O alcalde, Alfredo Llano, explica que despois de tres convocatorias non foi posible atopar un coordinador para esta brigada, e subliña que hai poucos profesionais preparados para estes postos de traballo e para superar as probas físicas. O rexedor burelés lamenta que non fose posible poñer en marcha esta brigada e lembra as dificultades coas que xa se atopou o Concello o ano pasado.
Llano manifestou que “é un pesar, pero temos que renunciar á subvención para brigadistas que era un grupo de cinco persoas que estaría formado por tres peóns, un condutor máis un encargado para traballar durante tres meses na prevención de incendios no noso concello. Este ano tivemos a mala sorte de non poder atopar un encargado, unha persoa que ten que ser dunha titulación específica para que fose o xefe desta brigada, e polo tanto temos que renunciar, porque é imprescindible contar cun xefe de brigada”.
O alcalde de Burela explicou que “fixemos tres convocatorias a través do Concello. Fixemos a selección, pero por un lado hai poucos profesionais que agora mesmo se atopan en condicións de vir traballar a estas brigadas, e por outro hai unhas probas médicas e físicas que hai que facer para poder optar a estes postos de traballo porque se esixen que teñan unha certa formación física os membros destas brigadas”.
O rexedor subliñou que “despois de tres convocatorias e incluso de intentar conseguir un profesional a través de medios particulares ou a través de empresas, tampouco foi posible. Non temos máis remedio que comunicar esta decisión porque non hai outra solución. Foi unha pena non poder contar cun profesional para poder constituír a brigada”.
Alfredo Llano lembrou que “xa o ano pasado tivéramos bastantes dificultades sobre todo na proba de esforzo para poder culminar cun grupo, o ano pasado afectou máis ben aos peóns e este ano á contratación dun coordinador, e polo tanto ao noso pesar temos que prescindir desta brigada. Este ano non podemos facer este grupo e temos que renunciar á subvención”.
O Concello de Burela tivo que renunciar á creación dunha brigada de prevención de incendios por non atopar persoal cualificado
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
