Burela 21-10-17. Ao Pescados Rubén Burela FS sobroulle o último segundo esta tarde en Vista Alegre ante o sempre titánico FC Barcelona Lassa B (2-3). Os de Juanma Marrube, que conseguiron remontar tras o descanso un 0-2, viron escapar o empate sobre a bucina cun gol dos cataláns tras un rexeite.
O duelo de forzas no cumio mantivo o electrónico equilibrado ata a recta final da primeira parte, con fortuna para os visitantes, na que non houbo moito perigo baixo paus. Os mariñáns tiveron un bo arranque, aínda que a partir do minuto 7 cederon terreo aos de Xavier Closas, máis intensos en presión e cun paso adiante en circulación. No 17, Juan Fran puxo o 1-0, asistido por Nil Closas, e no 18 A. Cardona selou un mísil que non puido frear nin sequera o pau. A falta de pouco máis de trinta segundos, Matamoros puido reducir cunha gran chegada pola banda, aínda que con ángulo moi limitado.
Ao regreso dos vestiarios o Pescados Rubén soubo como meterse no partido co sustento de 5 para 4, ante un Barcelona que non saíu tan forte. Antes de chegar á medianía do segundo acto, Renato intentou sorprender de lonxe ante un Miquel moi atento, que tamén desartellou a tentativa de Luisma no rexeite. Con case dez minutos por diante, Matamoros vestiu a camisola verde en busca dos tres puntos. Volveu tela Luisma nas súas zapatillas fronte ao meta catalán ata en tres ocasións seguidas. Matamoros reduciu a fenda no 33, ao cazar o despexe de Miquel de novo asediado por Luisma. E non podía ser doutra forma; o máis que traballado empate chegou coa firma do logroñés, con moito tempo aínda (minuto 36). Cantaba Vista Alegre buscando o merecido premio. O Pescados Rubén pediu tempo a falta de 4 segundos, intentou finalizar e a fortuna caeu de lado contrario; os cataláns aproveitaron o rexeite e A. Cardona anotou o definitivo 2-3 a porta baleira sobre a bucina.
Ficha técnica
Pescados Rubén Burela FS: Álex, Hélder, Luisma, Chus, Renato, cinco inicial; tamén xogaron Matamoros, Pope, Víctor, Colacha, Kelson
FC Barcelona Lassa B: Miquel Feixas, Uri Santos, Xavi Cols, Nil Closas, Daniel, cinco inicial; tamén xogaron Roberto, A. Cardona, Juan Fran, Pau Recasens, A. Ripol
Goles: 0-1, minuto 17, Juan Fran; 0-2, minuto 18, A. Cardona; 1-2, minuto 33, 2-2, minuto 36, Luisma, 2-3, minuto 40, A. Cardona
Árbitros: Carreira Romero // Ferrero Carballal (Galicia). Por Burela, amarela a Matamoros (minuto 7), Renato (minuto 23), Álex (minuto 30), Luisma (minuto 30). Por Barcelona, amarela a Uri Santos (minuto 21)
Incidencias: Partido correspondente á xornada 6 de Segunda LNFS disputado en Vista Alegre ante uns 800 espectadores. Minuto de silencio pola traxedia dos incendios sufridos en Galicia, Asturias e Portugal
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
