Burela 29-3-18. Por fin chegou. O Pescados Rubén Burela FS pelexará unha edición máis por alzarse co título da Copa Galicia. Será esta fin de semana en Marín, medíndose ao Ourense Envialia na primeira semifinal (sábado, 17.30 horas, A Raña). “A ilusión é ir buscar a Copa. As expectativas son positivas; o último partido, en Cádiz (0-11), deunos un gran salto á hora de pensar que estamos preparadas para disputar esta Copa” explicaba o técnico Julio Delgado, perseguindo sumar un título irmandiño máis á vitrina laranxa, que se decidirá o domingo, 1 de abril, ás 19.00 horas.
“Os partidos contra Ourense sempre son competidos. En liga empezamos perdendo, pero puidemos dar a volta ao marcador axiña e despois soubemos manexarnos bastante ben” botaba así a vista atrás o adestrador mariñán, coa vitoria de 4-5 en liga na primeira volta, valorando tamén a evolución desde entón do que agora ocupa a sexta praza en Primeira (40 puntos): “Vímolo no partido contra Poio. Tamén ten algunha baixa. Cambiou un pouco a defensa, vénse a media pista. Non sabemos se haberá sorpresas, se os dará o balón ou tamén quererá propoñer. Espero que poidamos resolver ben calquera da súa opcións” falaba así do actual campión de España o adestrador.
Nas filas burelistas, xunto a Judith e Julia, que xa non puideron entrar na convocatoria a semana pasada por lesión, tamén se suma a dúbida de Sara. “Animicamente chegamos ben, aínda que levamos unha semana un pouco atípica por efectivos, con tan só sete xogadoras de pista e con Camila recentemente reincorporada logo da súa viaxe ao Brasil” lamentábase así o adestrador, apostando pola garra e ilusión para suplilo: “Afrontaremos o partido do sábado coma se fose o último, sen pensar na final. Agora mesmo preocúpame o meu equipo. Estamos competindo ben e temos que seguir así. Neste aspecto tamén nos veu ben o partido de liga coas Burgas, de hai dúas xornadas. Deixounos un mal sabor de boca, aínda coa vitoria, pero sacámolo adiante e iso refórzanos; as xogadoras saben que o cadro está feito e é capaz de loitar por calquera título” puntualizaba o técnico.
O outro billete para a final
Cidade das Burgas e Poio Pescamar protagonizarán a segunda semifinal (sábado, 19.30 horas). “É favorito Poio, aínda que As Burgas demostrou que está competindo con todos os equipos e a un partido pode facer dano. Non me decantaría por un ao cento por cento porque o equipo ourensán nos puxo as cousas difíciles nos dous enfrontamentos de liga” explicaba Julio Delgado.
I Minicopa
As categorías de base estarán presentes na cita coa Minicopa, co duelo entre Poio e A Fervenza-Burela FS (domingo 1, A Raña, 16.30 horas). “É moi bonito que empecen a aflorar as bases e ter presenza nesta Copa. Ademais ás nenas seguro que lles fai moita ilusión. Case todas as miradas están dirixidas ao deporte masculino, pero esta Minicopa é un reflexo máis de que o feminino tamén medra a pasos axigantados, co protagonismo da base. Esperemos que entre todos contribuamos a que sexa unha gran Copa” concluía Julio Delgado.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
