Ribadeo, 14 de marzo de 2018. Preto dun cento de persoas asistirán este venres, día 16, á VII Gala de Acisa, que se celebrará a partir das 21:30 horas no Parador de Turismo de Ribadeo.
Neste evento serán premiados os propietarios de O Bodegón, Florentino Martínez Peláez e Mercedes García López, que recibirán o recoñecemento a toda unha carreira empresarial. O premio como socio honorífico recibirano José Luis Méndez Morán e América López Oliveros, fundadores de Ferraxería Morán. E o galardón como socio do ano será para José Ramón Leal Segura, propietario de Galería Terra Branca.
Ao acto confirmaron xa a súa asistencia o delegado territorial da Xunta en Lugo, José Manuel Balseiro, o presidente da Mancomunidade de Municipios da Mariña, Alfredo Llano, o alcalde de Ribadeo, Fernando Suárez, e a concelleira de Turismo e Comercio, Ana Martínez. Tamén haberá representación da Deputación Provincial de Lugo e acudirán á cita outros representantes políticos autonómicos e locais.
A VII Gala de Acisa dará comezo cun photocall ao que seguirán os discursos das autoridades. A continuación terá lugar a cea e despois serán entregados os agasallos aos galardoados nesta Gala, que será conducida polo humorista madrileño Javi González, que se atopa de xira por España co espectáculo “¿Te acuerdas de mañana?”. Este cómico, actor, guionista e presentador foi gañador de numerosos concursos de comedia entre os que se atopan Opera Valenciana, Green Coslada, Ciudad Béjar ou Villa Chica e foi o segundo clasificado no Concurso Nacional de Parla e da sala La Chocita del Loro.
Mañá, 15 de marzo, é o último día para adquirir as tarxetas da Gala. Están dispoñibles nos locais de Acisa e tamén no Parador de Ribadeo.
Cortes de luz
Desde Acisa critican os cortes no subministro eléctrico que se produciron ao longo desta mañá: “temos constancia dun ás 11:08 horas e de seis ou sete a partires das 13:07 horas. Pensabamos, tal e como se contou hai un mes, que esta problemática quedaría resolta coa posta en marcha da nova subestación eléctrica, pero xa vemos que non”. E subliñan “os danos que ocasionan estes microcortes aos nosos asociados e asociadas son moitos, desde tpvs, pantallas de ordenadores, etc. Cada vez que se producen son moitas as chamadas que recibimos en Acisa con queixas, que nós debemos facer chegar á opinión pública e debemos pedir unha vez máis que isto non volva producirse”.
Preto dun cento de persoas asistirán o venres á VII Gala de Acisa, que se celebrará no Parador de turismo de Ribadeo. Será conducida polo humorista madrileño Javi González
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
