Lugo, 30 de maio de 2018.- A práctica totalidade dos concellos lucenses, 65 dos 67 municipios da provincia (todos menos Pobra de Brollón e Rábade), terán subscritos este verán coa Consellería do Medio Rural os convenios de prevención e extinción de incendios nalgunha das tres modalidades dispoñibles: contratación de brigadas, actuación das motobombas municipais e/ou roza de camiños.
O delegado territorial da Xunta en Lugo, José Manuel Balseiro, puxo en valor esta liña de colaboración do Goberno galego coas entidades locais que só na nosa provincia suporá un investimento da administración autonómica de ao redor de 3,5 millóns de euros.
73 brigadas, máis de 360 novos empregos
Así, 56 concellos lucenses crearán, co apoio da Xunta, 73 brigadas municipais que se encargarán de labores de vixilancia e defensa contra o lume. Terán entre 4 e 5 compoñentes, polo que o número total de contratacións poderá superar os 360 profesionais. Este persoal ten como principal obxectivo, ademais de servir de unidade de primeira intervención en caso de incendio, a limpeza das faixas de xestión de biomasa en terreos forestais de titularidade municipal ou de propietario descoñecido.
Motobombas e rozas en 5.852 hectáreas de terreo
Outros 41 municipios recibirán financiamento da Xunta para garantir a actuación e operatividade dos vehículos motobomba municipais. E, finalmente, 57 concellos lucenses acolléronse á modalidade do convenio que contempla o financiamento de tratamentos preventivos en vías de titularidade municipal, polo que se estima que se rozarán, no conxunto da provincia, 6.430 hectáreas de terreo.
Principais novidades
Balseiro explicou que, no que respecta á sinatura dos convenios, as principais variacións con respecto ao ano anterior veñen dadas pola nova incorporación do concello do Incio, que por primeira vez contratará unha brigada municipal de 4 compoñentes co apoio da Xunta. A maiores, outros cinco concellos decidiron ampliar as modalidades ás que se acolleron, así acontece cos municipios de Cervantes, Navia de Suarna e Pedrafita do Cebreiro (todos contarán cunha brigada máis), con Mondoñedo e as Nogais (que se acolle á modalidade prevista para financiar a actuación das motobombas) e co municipio de Pol (que incrementará o número de hectáreas que ten previsto rozar)
Ofrecemento a todos os concellos da provincia
Desde a Xunta salientan que ofreceron a posibilidade de asinar estes acordos a todos os municipios, e que se contactou con cada un dos gobernos locais para lembrarlles a súas obrigas en materia de prevención e extinción de incendios e para seguir ofrecendo estas vías de colaboración.
Tamén como novidade, a Xunta está traballando na posta en marcha dun convenio coa Fegamp que servirá para axudar os gobernos locais a cumprir coas súas obrigas no ámbito das redes secundarias de xestión da biomasa e para o cal se prevé destinar outros seis millóns de euros suplementarios no conxunto da comunidade.
Tendo en conta a boa acollida dos convenios ofrecidos pola Xunta, Balseiro concluíu que estes datos amosan que a maioría dos concellos comparten a “sensibilidade” da Xunta “por traballar conxuntamente fronte á lacra dos incendios”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
