Lugo, 19 de xuño de 2018. O Presidente da Deputación, Darío Campos Conde, e a Alcaldesa de Lourenzá, Rocío López García, supervisaron o inicio dos traballos de mellora en 3 estradas provinciais deste municipio, que financia o Goberno da Deputación con 63.500 euros. Trátase da LU-P-2801; a LU-P-2803, e a LU-P-2805, estradas nas que se acondicionará un total de 2,2 quilómetros, rehabilitando o firme con aglomerado en quente, limpeza de cunetas e incremento da seguridade vial, coa instalación e renovación da sinalización horizontal e vertical.
Campos Conde remarcou que con estas actuacións “damos resposta á demanda dos veciños de Lourenzá, reivindicando unha vez máis a nosa condición de Deputación social, rural e comprometida coas persoas. Dende o Executivo traballamos para atender as necesidades dos veciños e, sobre todo, mellorar a súa calidade de vida cunhas óptimas infraestruturas viarias independentemente de onde vivan”.
López García agradeceu a implicación e a colaboración da Deputación no arranxo destes viais provinciais. “O ano pasado xa fixemos unha mellora importante co arranxo da LU-P-2801, de Santo Tomé, por Santo Adriano e Augasoxa a Mazo; e o Camiño A, que vai do Zapateiro a Santo Adriano, na que se investiu 465.000 euros no arranxo de máis de 6 quilómetros, e hoxe continuamos traballando nese camiño, co arranxo destas estradas”.
As actuacións que se acometerán nas vindeiras semanas son as seguintes:
– LU-P-2801, de Santo Tomé a San Adriano: acondicionamento 560 metros, entre os puntos 0,400 ao 0,960. Trátase da principal vía de comunicación para a zona, pois ademais de unir as parroquias de Santo Tomé e San Adriano, beneficiando de xeito directo aos 1.000 veciños que viven na zona. É ademais a estrada que conecta o municipio laurentino coa localidade de Riotorto.
– LU-P-2803, de Santo Tomé a Lindín: acondicionamento de 750 metros, entre os puntos quilométricos 0,000 e 0,750. É unha estrada que une a localidade laurentina co Concello de Mondoñedo, concretamente co núcleo de Lindín.
– LU-P-2805, de Santo Tomé a Santa María Maior: acondicionamento de 950 metros, entre os puntos quilométricos 0,000 e 0,950. É a outra vía de comunicación entre os Concello de Lourenzá e Mondoñedo, que conecta as parroquias de Santo Tomé e Santa María Maior.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
