Ribadeo, 2 de xullo de 2018. O Concello publica hoxe no perfil do contratante da súa páxina web o anuncio de nova poxa do edificio, de propiedade municipal, situado na rúa Bispo Veres números 2 e 4. Hai dúas novidades, baixase o prezo de saída e permítese que poida realizarse por lotes. O inmoble número 2 sae por pouco máis de 50.000 euros, e o edificio do número 4 por 75.000 euros.
O alcalde, Fernando Suárez, anunciou que “no día de hoxe sae publicado no perfil do contratante da páxina web de Ribadeo este anuncio de poxa dun edificio, propiedade do Concello, que está na rúa Bispo Veres número 2, realmente son dous inmobles, os números 2 e 4”.
O rexedor lembrou que “son inmobles que o Concello inmatriculou hai tempo, é dicir que puxo ao seu nome despois de que infrutuosamente buscara aos seus propietarios para que se fixesen cargo das obrigas de conservación, de mantemento, de seguridade, etc…, e non foi posible. Despois dun proceso longo e complexo inmatriculámolo a nome do Concello, pero agora quere vendelo para que os seus novos propietarios os reconstrúan de acordo coas instrucións de Patrimonio”.
Suárez Barcia explicou que “despois dunha primeira licitación que fixemos hai varios meses, esta quedou deserta, polo que os técnicos municipais volveron a informar o expediente, e suxeriron dúas novidades, por unha banda baixar o prezo de saída da poxa e permitir que a poxa sexa por lotes, xa que as vivendas son dúas diferenciadas catastralmente”.
O alcalde ribadense detallou que “deste xeito o inmoble da rúa Bispo Veres número 2 sairía por un total, con IVE incluído, de 50.199 euros, e tecnicamente pódese facer planta baixa, primeira e segunda, en total son tres vivendas. O lote número 2, que é o inmoble da rúa Bispo Veres número 4, sairía por un prezo de 75.248 euros, IVE incluído, e aquí poderíase facer planta baixa, primeira e baixo cuberta, sendo neste caso unhas teóricas cinco vivendas”.
Fernando Suárez engadiu que “todos os interesados en plantexar ofertas terán vinte días naturais, contados a partir do día seguinte ao da publicación deste anuncio no perfil do contratante”. E animou “a todas aquelas persoas que así o queiran que formulen as súas ofertas, ou se queren ver o expediente que veñan ás oficinas xerais do Concello de Ribadeo onde se lles dará toda a información necesaria”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
