Tapia 27-10-18. Inclusiones18 é un espectáculo colaborativo que se encadra dentro dun proxecto interartístico moi especial. Trabállase dende a diversidade para integrar a capacidade creativa de todas as persoas nunha posta en común, con independencia das capacidades físicas ou psíquicas dos participantes. Deste xeito, saliéntanse as habilidades artísticas existentes por igual en todas as persoas. O resultado final amosará o traballado ao longo das semanas nos obradoiros específicos, que serán a base sólida para crear un espectáculo a celebrar no auditorio de Ribadeo o 30 de novembro.
Neste proxecto colaboran tanto institucións, como profesionais, familias, amizades e artistas. A meta é conseguir unha expresión artística que vertebre unha linguaxe visíbel e universal: a beleza da arte a través da capacidade creativa innata. Traballarase proporcionando apoios entre todas as persoas que forman parte de cada proceso, de cada obradoiro e de cada posta en escena. Desta maneira, os participantes poderán aprender das capacidades creativas do resto de involucrados na iniciativa e, ademais, conseguirase unha maior interartisticidade entre as propostas e os resultados que finalmente cada persoa ou grupo decida levar a cabo. Así, non só se traballa dende o punto de vista creativo, senón dende a comprensión e a empatía.
Os obradoiros creativos e as zonas de influencia limítanse á zona occidental de Asturias e á oriental galega. Só deste xeito traballan entidades que realmente se involucren na causa que está promovendo a Fundación Edes de Asturias (Tapia de
Casariego) outro ano máis. Marina Oural e Ugia Pedreira serán as encargadas por segundo ano consecutivo de desenvolveren os papeis de directora artística-escénica e de directora musical-composición, respectivamente. Elas ofrecerán suxestións artísticas tiradas dende diferentes mundos creativos como a poesía, a música, o movemento en escena etc. Mais son as persoas participantes as que realmente aportarán o valor acaído ás súas propostas, pois cada idea será adaptada polos asistentes aos obradoiros na medida na que consideren. Grazas aos exercicios, poderán contribuír á elaboración da súa posta en escena para o último venres do mes de novembro. Ese día, poderán exteriorizar coa súa implicación artística o valor do seu traballo, así coma o seu xeito único de sentir e de expresar.
O que se pretende é visibilizar e normalizar as creacións artísticas de todas as persoas. Ademais, tamén se procura o descubrimento das habilidades creativas dos participantes que aínda non atoparon a expresión artística coa que se senten cómodos. Como fin última, deséxase ofrecer un apoio a todas as persoas que conviven coa diversidade funcional, xa sexa directa ou indirectamente. Para logralo, o obxectivo céntrase na creación de espazos diferentes que abran unha vía comunicativa por medio de múltiples modalidades da arte que poidan ser integradas no día a día.
Para máis información, Clara Vidal e Marina Oural colaborarán coa Fundación Edes nas comunicacións externas, nas mecánicas e nos logros conseguidos a través do traballo en colaboración de todas as persoas que forman parte do proxecto. O enderezo electrónico inclusionesedes@gmail.com está habilitado para recibir comunicacións sobre o proxecto.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
