Ribadeo, 8 de novembro de 2018. O Programa de Prevención de Drogodependencias e outros trastornos aditivos, dependente da Concellaría de Servizos Sociosanitarios que dirixe Sonia Meilán, iniciará o vindeiro martes, 13 de novembro, as actividades nos CEIPs de Ribadeo, Trabada, Barreiros e A Pontenova.
Estas actividades forman parte do programa denominado Habilidades para a vida, que se desenvolverá en 4 sesións durante o curso co alumnado de 5º e/ou 6º de EPO (entre 10 e 13 anos).
En total participan 5 centros e 146 alumnas e alumnos ademais de 9 titores “aos que agradecemos unha vez máis o seu tempo e a confianza depositada en nós”, explican desde o Programa de Prevención de Drogodependencias e outros trastornos aditivos.
As sesións a traballar son as seguintes:
1ª) Autocoñecemento e autoestima
2ª) Empatía
3ª) Pensamento crítico
4ª) Manexo de emoción e sentimentos
A metodoloxía que se empregará durante este programa será a través de rol-playing, debates, exercicios orais e audiovisuais.Todas as persoas que o desexen poden seguir as actividades desenvolvidas na páxina de Facebook e Instagram AdiccionsZeroRibadeo.
O vindeiro martes, día 13, darán comezo nos CEIPS de Ribadeo, Trabada, Barreiros e A Pontenova as actividades organizadas polo programa de prevención de drogodependencias e outros trastornos aditivos do Concello de Ribadeo
Relacionado
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
