Lugo, 8 de abril de 2019. A Deputada de Promoción Económica e Social, Sonsoles López Izquierdo, mantivo un encontro cos usuarios de ASPACE Lugo (Asociación de Nais e Pais de menores afectados por Parálise Cerebral da Provincia de Lugo), coa que colabora o Executivo Provincial. Acompañada de membros da directiva deste colectivo social, coñeceu as necesidades das persoas que padecen este tipo de trastorno, ás que, ASPACE, presta atención profesional, tratando de mellorar a súa calidade de vida e de benestar.
López Izquierdo sinalou que “este colectivo social, que atende a 19 usuarios dos concellos de Lugo, Antas de Ulla, O Corgo, Portomarín e Sarria, tenta mellorar a calidade de vida das persoas con parálise cerebral a través de numerosas actividades como boxeo, surf, mergullo adaptado ou excursións pola cidade, entre outras. Dende o Goberno da Deputación, sumamos esforzos con ASPACE, co fin de mellorar o benestar das persoas con capacidades diferentes que integran a nosa sociedade”.
ASPACE, conta con 34 socios e un equipo de profesionais formado por: 2 educadores sociais, 1 terapeuta ocupacional, 1 fisioterapeuta e 1 traballadora social que prestan atención a persoas con parálise cerebral. Nestes momentos son 19 usuarios dende os 4 ata os preto de 60 anos de idade. En ASPACE contan cunha ampla programación de actividades de rehabilitación, ocio e entretemento, dirixidas a mellorar a calidade de vida dos usuarios, como excursións ou saídas de lecer pola cidade de Lugo.
A través da colaboración da Deputación, este colectivo social, pode financiar o servizo de fisioterapia que realizan na piscina da escola infantil Lucus Baby, pois adáptase ás necesidades e características físicas dos usuarios. Ademais realizan numerosas actividades deportivas como, boccia, boxeo, petanca, voleibol, buceo adaptado e surf. Co fin de mellorar o seu día a día traballan na terapia ocupacional, fisioterapia, rehabilitación e estimulación multisensorial, ademais de prestar asesoramento, orientación e información ás familias, a través do servizo de traballos sociais.
Parálise cerebral e ASPACE Lugo
A parálise cerebral é unha discapacidade producida pola lesión do cerebro na xestación, o parto, ou durante os primeiros anos de vida nos nenos. Xeralmente, supón unha discapacidade física en maior ou menor grado, pero tamén pode ir acompañada dunha discapacidade sensorial ou intelectual. Segundo a Confederación ASPACE, esta é a unha das causas máis frecuentes de discapacidade motora, e a máis frecuente en nenos. Estímase que entre un 2 e un 2.5 por cada mil nacidos en España teñen parálise cerebral, é dicir, 1 de cada 500 persoas.
ASPACE LUGO créase no ano 1994, por un grupo de pais e nais de nenos afectados por parálise cerebral. Este colectivo social, enmárcase na Confederación ASPACE, que conta con máis de 70 asociacións locais, 230 centros especializados e un equipo de 4.500 profesionais en España.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
