Lugo, 2 de abril de 2019. O voceiro do Goberno da Deputación, Álvaro Santos Ramos, a Alcaldesa de Lugo, Lara Méndez López, e o Presidente da Federación Galega de Comercio, José María Seijas, xunto a representantes de pequenos e medianos comercios de Lugo, presentaron este martes no Pazo de San Marcos a plataforma dixital SiComercio.es, unha nova aplicación de xestión e venta online desenvolta por lucenses e orientada aos comerciantes da provincia, que poñen en marcha o Goberno Provincial e a Federación Galega de Comercio, en colaboración coa Federación de Lugo e Comerciogalicia.
SiComercio.es é unha ferramenta dixital que nace para facilitar a xestión dos seus negocios aos comerciantes lucenses e fomentar a venda a través de internet, podendo chegar cos seus produtos a potenciais clientes de todo o mundo. Deste xeito, a aplicación permitirá, entre outras funcións: integrar e xestionar os principais marketplaces, como Amazon ou Ebay, nunha soa plataforma; controlar o stock de produtos dun establecemento en todo momento; ou manexar información e estatísticas en tempo real sobre a evolución dos prezos de mercado, volume de ventas por categoría de produto, etcétera.
O Executivo Provincial asume o custe deste novo sotfware durante dous anos achegando 60.000 euros para a súa creación e lanzamento, implementación nos establecementos, así como para ofrecer formación gratuíta aos comerciantes e permitir a mellora continua da aplicación, adaptando esta ferramenta á tipoloxía de cada comercio.
Santos Ramos subliñou que “estamos moi satisfeitos de presentar esta nova aplicación, que vai marcar un antes e un despois para o comercio lucense, pois permitirá, dun xeito moi sinxelo e accesible a todos os interesados, independentemente dos seus coñecementos do mundo dixital, chegar cos seus produtos a millóns de potenciais clientes. Enorgullécenos máis se cabe, que este software fora desenvolto por lucenses, o que dá boa conta do talento que hai na provincia”.
O voceiro provincial puntualizou que se trata dun “sistema pioneiro en España, de fácil utilización e implementación nos establecementos, que permitirá aos comerciantes da provincia vender onde e como queiran. Queremos dar un paso máis na necesaria dixitalización e modernización do comercio lucense e, sen dúbida, esta plataforma contribuirá a acadar este obxectivo que compartimos dende a Federación e o Goberno da Deputación”.
Pola súa parte, Seijas apuntou que “ao abrir novas canles, chegas a miles de novos clientes, pero iso implica maior xestión: múltiples stocks, diferentes prezos, loxística, etc. A maioría de negocios carecen de sistemas de xestión adecuados a esta nova situación. Moitas veces vense superados, véndose obrigados a contratar novo persoal para realizar estas tarefas, incrementando os custos operativos e reducindo a súa marxe de beneficios. De aí a utilidade desta ferramenta, que permitirá optimizar a xestión, evitando custos adicionais innecesarios”.
O Presidente da FGC engadiu que “para ser competitivo hai que levar un control minucioso do negocio: coñecer a rendibilidade de cada unha das canles, saber que produtos se venden mellor en cada canle, que produtos son máis rendibles, que referencias poderías vender e non estás a vender… en definitiva, dispoñer de información en tempo real sobre o negocio que axude a tomar decisións de forma áxil”.
Co obxectivo de dar resposta a todas estas cuestións, SiComercio.es permitirá integrar o mundo offline e online, dispoñendo de información actualizada relativa á evolución dos prezos, produtos máis vendidos, estocaxe ou volume de negocio por canal de venta (tenda física e os diferentes marketplaces), ou mesmo descubrir novos produtos, coñecendo á competencia.
Os interesados poden rexistrarse gratuitamente na plataforma (www.sicomercio.es). Nesta primeira fase de lanzamento do servizo haberá 50 prazas dispoñibles. Para máis información pode contactarse a través do teléfono 982 255 120 ou ben no correo electrónico fgc@comerciogalicia.es.
A importancia do comercio online
O comercio electrónico representa novas oportunidades de negocio para moitos comerciantes. De feito, o 76% das ofertas online nos principais marketplaces represéntanas o produto minorista e o seu comercio. É por iso que, hoxe en día, é necesaria unha estratexia que una vendas offline e online. Vender en internet non significa limitarse a ter unha tenda online. Para sacar o máximo partido da rede, é preciso vender en varias canles online simultaneamente.
Ademais, o cliente que compra a través de internet non se guía polos mesmos criterios que o cliente dunha tenda física, ou polo menos non ten o mesmo orde de prioridades. Nun mundo sen distancias como é o online, o primeiro que capta a atención do cliente é o prezo. É un feito que o cliente online compara prezos antes de comprar. Por iso, é de vital importancia dispoñer de información acerca dos prezos dos produtos respecto aos da competencia nas distintas canles.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
