Viveiro, 22 de setembro, 2019. O Partido Popular quixo poñer en valor que a Xunta cumpre o seu compromiso con Viveiro coa achega de 4 millóns de euros para a ampliación e mellora da estación depuradora. Os populares agradecen á conselleira de infraestruturas, Ethel Vázquez, que dera prioridade a esta actuación axilizando todos os pasos ao máximo, ata punto de licitar a obra tan só oito días despois de que o Consello da Xunta autorizase este gasto, un paso que tamén tivo lugar un só día despois de recibir a documentación municipal que estaba pendente.
“Desde a Xunta deron a súa palabra á veciñanza de Viveiro e os feitos amosan que están cumprindo co prometido, e ademais dando cada paso coa máxima axilidade posible para que as obras poidan estar en marcha canto antes”
Os populares destacan tamén a disposición da Xunta para completar a obra da depuradora coa de substitución do novo emisario e nese senso esperan que os esforzos que está a facer a administración autonómica para colaborar coa mellora do saneamento, unha competencia municipal, teña o seu reflexo cun idéntico compromiso de axilidade por parte do Concello e do departamento Estatal de Costas que deben informar o proxecto do emisario.
Por outra banda os populares lamentan que desde o BNG pretenderan, co gallo da visita da eurodeputada Ana Miranda, restar valor e sementar dúbidas respecto dos compromisos da Xunta co saneamento da ría de Viveiro e neste senso aproveitan para desmentir varios argumentos defendidos polos nacionalistas contra os pasos dados pola Xunta.
Os populares confirman que o Goberno galego abriu o pasado venres o prazo de contratación das obras para a ampliación e mellora da estación depuradora, para as que xa se poden presentar ofertas (ata o 24 de outubro), tras a publicación da licitación no portal de Contratos de Galicia.
Os populares aclaran que a recente reforma da normativa xa non obriga a publicar esta licitación no DOG pero si nesta plataforma de contratación, que ten plenos efectos xurídicos. O enlace á licitación está accesible na web da Xunta. Para o PP resulta curioso que una eurodeputada descoñeza deste xeito o procedemento administrativo ou, se non o fai, intente enganar aos veciños sementando falsas dúbidas ao respecto.
Os populares tamén aclaran que a visita da conselleira Ethel Vázquez na que avanzou en rolda de prensa a licitación do contrato da EDAR, veu precedida dunha reunión coa plataforma veciñal, na que por expreso desexo deste colectivo, non estaban convocados partidos políticos, nin outras institucións. “Era unha reunión para veciños e non para políticos, polo tanto non hai razón para entender que exista falta de respecto institucional, ao contrario, a conselleira rende contas ante a veciñanza coa que se comprometeron a dar este paso”
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
