Mondoñedo, a 6 de outubro de 2019.- O Concello de Mondoñedo inicia un plan de actividades para a Casa-Museo Álvaro Cunqueiro para o que a alcaldesa, Elena Candia, vén de nomear Coordinador de Actividades e Publicacións da mesma ao investigador e crítico literario Armando Requeixo.
O plan inicial de traballo deseñado para a Casa-Museo contempla diversas actividades a realizar no período que se estende entre as datas de nacemento (22 de decembro) e pasamento (28 de febreiro) do autor.
Ademais das conferencias baixo o nome ‘Cunqueiro aquí e acolá’, entre as actividades previstas para levar a cabo atópase a publicación de materiais cunqueirianos que axuden a espallar e profundar na obra do autor; o inicio da Colección Selva de Esmelle ou a publicación dunha revista de estudos cunqueirianos.
A primeira das conferencias dunha serie que levará por título ‘Cunqueiro aquí e acolá’ procurará facerse coincidir coa data de nacemento do autor ou nos días inmediatos a esta. De igual modo, a última realizarase o día do seu pasamento ou en datas próximas ao mesmo. As intervencións poderán concretarse ben baixo a fórmula de conferencias individuais ou ben de mesas redondas de varios participantes, dependendo do que aconselle o tema e enfoque particulares de cada intervención. En calquera caso, o nome dos participantes –aínda sen concretar- serán comunicados coa debida antelación.
Tamén coa colaboración do Concello de Mondoñedo e a familia do escritor estase a preparar a edición dalgúns textos cunqueirianos que se darán a coñecer durante os eventos a celebrar coincidentes coas datas de nacemento e pasamento do escritor.
Coa edición dun ensaio do fillo do autor, o tamén escritor César Cunqueiro, quen porá en conexión a obra de Álvaro Cunqueiro e José Lezama Lima, darase inicio á colección Selva de Esmelle na que se publicarán textos arredor de Cunqueiro e o seu mundo. E, a estas publicacións, haberá que engadir tamén a dunha revista de estudos cunqueirianos.
Colaboracións
A Casa-Museo Álvaro Cunqueiro conta coa colaboración da familia do escritor e do Concello de Mondoñedo para o desenvolvemento de todas estas actividades; ademais da doutras institucións responsables da promoción da nosa lingua e da literatura nesta escrita, como a Secretaría Xeral de Política Lingüística da Xunta de Galicia, e de institucións significadas no labor de custodia e promoción do legado de Cunqueiro, como a Fundación Penzol de Vigo.
Así, dende a Casa-Museo Álvaro Cunqueiro manifestan a súa dispoñibilidade para colaborar con cantas entidades, institucións ou persoas estean interesadas en estudar e divulgar a figura do escritor que lle dá nome, convidando a poñerse en contacto co Concello de Mondoñedo para concretar posibles colaboracións.
O Concello de Mondoñedo pon en marcha un plan de actividades para a Casa-Museo Álvaro Cunqueiro
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.