Lugo, 6 de novembro, 2019. O presidente do PPdeG, Alberto Núñez Feijóo, pediu en Lugo unir o voto no Partido Popular para que haxa Goberno, xestión e compromiso con Galicia ante un Pedro Sánchez cada vez máis parecido a Zapatero no ámbito económico. Así, avogou por evitar que a España que vén despois do próximo domingo se converta naquela España da crise e da recesión.
Segundo manifestou, non hai por que esperar a que o deterioro da economía sexa maior nin a que os traballadores de Alcoa, As Pontes ou o sector forestal perdan o seu emprego para dar unha alternativa. Asegurou que unha política distinta é posible e que “é a política seria a que merece a pena”. Por iso, pediu o voto a favor do cambio unindo o voto do centro-dereita, para evitar que a España do 2024 sexa unha España en deterioro e en profunda recesión económica.
GALICIA NON É ALLEA Á SITUACIÓN DE ESPAÑA
No seu discurso, o líder do PPdeG lamentou que España se teña que enfrontar aos seus peores datos de paro nos últimos sete anos, o que motivou que o PSOE non quixera que se soubesen as cifras para a celebración do debate electoral. Como apuntou, Galicia non é allea á situación do país nin ás decisións e á falta de decisión do Goberno que tanto están danando a nosa industria, polo que advertiu dos perigos de volver ocultar a realidade e de relativizar outra vez o que sucede. Nese senso, recordou que xa hai precedentes de intentos similares e que os resultados xa os coñecen todos os españois porque os padeceron.
A INESTABILIDADE E A INACCIÓN DO GOBERNO DO PSOE
Como indicou Feijóo, levamos meses sen falar do que importa, como o emprego, a economía, as pensións e o avance do país; e volveu incidir en que España necesita estabilidade, xestión, rigor e experiencia.
A efectos da política nacional, o presidente aseverou que o país está parado, hai inestabilidade e inacción por parte do Executivo central. Pola contra, asegurou desde a Comunidade estase a facer todo o posible para compensar todo isto -a Xunta aproba presupostos, cumpre coas obrigas e xestiona e impulsa medidas en todos os ámbitos-.
Na mesma liña, remarcou que a campaña electoral detén a labor institucional pero non os problemas, as incertezas na nosa industria, a paralización de infraestruturas clave como o AVE, nin os efectos da inestabilidade e da parálise do Goberno que, como moito, os retén todo o que pode como fixo cos datos do paro no debate electoral.
No que respecta a Alcoa, dixo que os traballadores seguen agardando por unha solución mentres a situación empeora. Un problema, indicou, que non se pode aprazar máis. Así, o líder do PPdeG pediu “seriedade” e recordou que no pasado mes de abril Pedro Sánchez se comprometera a que despois eleccións se faría a proposta de control dos prezos da luz e que estamos no mes de novembro sen ter nada: “Galicia non pode permitirse perder esta fábrica, porque A Mariña estaría nunha situación de bloqueo e a provincia de Lugo tería o batacazo máis importante na súa industria en décadas”.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
