Mondoñedo, 30 de xuño de 2020. O Concello de Mondoñedo colabora coa segunda edición do Festival de Música de Cámara MindoMúsica que patrocina a Consellería de Cultura e que comezou este luns 29 de xuño cos ensaios que se estenderán toda a semana ata concluír con tres concertos entre o venres 3 e o domingo 5 de xullo.
Este ano, atendendo ás actuais circunstancias derivadas da emerxencia sanitaria da covid-19, o festival adáptase para ofrecer tres mini-concertos dunha duración aproximada de 30 ou 40 minutos cada un a cargo dun grupo moi reducido: un cuarteto de corda.
O desenvolvemento deste festival respectará as medidas hixiénico-sanitarias recomendadas en relación á prevención do coronavirus. Así, o aforo será reducido e o público deberá asistir con mascarilla despois de retirar as invitacións que xa están dispoñibles na Oficina Municipal de Turismo de xeito gratuíto. As restantes estarán a disposición do público no mesmo lugar do concerto: o venres 3 de xullo no auditorio municipal “Pascual Veiga” e o domingo 5 na Catedral. En calquera caso, recoméndase acudir cun mínimo de 15 minutos de antelación.
Tralo éxito da primeira edición, dende a organización agardan “poder afianzar o proxecto con moito traballo e ilusión”. Este ano súmase como violín xunto á directora artística do Festival MindoMúsica, Rebeca Maseda, o músico italiano Enrico Filippo Maligno. Alberto Rodríguez – viola- e Iván Siso -violoncello- repiten experiencia neste festival despois de participar na primeira edición.
Concertos
O primeiro dos concertos será o venres 3 ás oito e media do serán cando está previsto que o cuarteto ofreza un concerto no Auditorio Municipal “Pascual Veiga” que contará con Beethoven como protagonista no seu 250 aniversario.
O sábado 4 o concerto “Música e Poesía” que se desenvolverá na Casa-Museo Álvaro Cunqueiro á mesma hora recolle no seu programa unha obra de Mendelssohn e outra de Eduard Toldrà, Vistes al mar, inspirada na poesía La Ginesta de Joan Maragall. Este concerto será a porta pechada; pero as persoas interesadas poderán seguilo a través de streaming.
A Catedral de Mondoñedo será o escenario do terceiro concerto que pechará esta edición do MindoMúsica que se desenvolverá tamén a partir das oito e media incluíndo no repertorio distintas obras de J. S. Bach.
Retransmisión por streaming
Todos os concertos serán retransmitidos por streaming a través da páxina de Facebook do Concello de Mondoñedo e da canle de Youtube de MindoMúsica. Neste caso, será posible grazas á colaboración da segunda edición tamén do proxecto tecnolóxico “Mondoñedo Valley” que nace en colaboración coa Universidade Rey Juan Carlos de Madrid e pretende visibilizar Mondoñedo nas redes sociais a través do uso das novas tecnoloxías.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
