Lugo, 18 de setembro de 2020. A Deputada de Réxime Interior, Promoción do Territorio e Turismo, Pilar García Porto, participou este venres na clausura do I Congreso Nacional de Turismo Experiencial, un acto que tivo lugar no CEI-NODUS, en Lugo. Fíxoo xunto ao concelleiro de Desenvolvemento Local e Emprego do Concello de Lugo, Mauricio Repetto Morbán, e a xefa da área de Turismo da Xunta de Galicia en Lugo, Paloma Vázquez. A institución provincial colabora con este evento que organizou Experiencias del Destino e que se celebrou esta semana en Lugo.
García Porto aproveitou para facer fincapé nas oportunidades e fortalezas que o sector turístico da provincia ten no novo escenario xurdido coa Covid-19. “O destino Lugo provincia debe espremer todas as súas virtudes, somos un lugar onde se pode gozar da montaña, da praia ou de calquera vila dun xeito seguro, sen aglomeracións, permitindo desfrutar de innumerables experiencias de calidade”.
A Deputada subliñou o éxito de acollida da primeira edición do Congreso de Turismo Experiencial, que xuntou a máis de mil persoas ao longo de tres días, nos que se abordaron temas cruciais para o desenvolvemento do turismo no novo escenario xurdido coa crise da Covid-19. As condicións sanitarias só permitiron que presencialmente participaran unhas 60 persoas, pero a través das novas tecnoloxías foi posible que xente de toda España e doutros países puideran seguir o congreso por streaming.
A titular de Turismo da Deputación explicou que, se “algo quedou en evidencia estes días é que o sector turístico ten claro que non se pode parar, existe unha clara vontade por crear novos produtos, por apostar por un turismo sostible e de calidade e ese é o camiño”. García Porto tamén puxo o foco na calidade dos poñentes que interviñeron nas diferentes mesas de debate e conferencias: “achegaron unha visión propia e dende a súa experiencia persoal que axuda a marcar unha folla de ruta para o sector, ao enmarcar a situación actual do turismo como ferramenta dinamizadora do territorio a nivel económico e social”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
