Santiago de Compostela, 12 de Novembro 2020. O BNG mantivo un encontro co sector da hostalería e do turismo para valorar a situación e as medidas a adoptar a curto e medio prazo nun dos ámbitos da economía máis impactados pola pandemia, e cun peso clave en termos de emprego e de afectación noutros sectores.
Neste sentido, a formación nacionalista demanda un plan de rescate integral coa suficiente dotación orzamentaria “que debe estar operativo canto porque son moitos os pequenos e medianos establecementos ao límite, que necesitan un salvavidas inmediato antes de verse abocados ao peche definitivo”, salienta a portavoz nacional, Ana Pontón.
“Hai que recordar, alegou, que na crise de 2008 se destinaron só en Galiza, 9.000 M€ para rescatar a banca, así que podemos rescatar ao sector turístico e da hostalería que enchen de emprego e de actividade económica as e cidades”. A líder do Bloque subliñou que este plan de rescate pode ser financiado con cargo a liña de fondos europeos REACT, que para o período 2021-2022 vai estar integrado no fondo COVID da UE.
Salientar que, con cargo ao Next Generation, o BNG cifra nun mínimo de 12.600 M€ a contía que debería recibir Galiza, o equivalente ao 9% do total, “recursos que deben ir destinados a rescatar ás PEMES, ao tecido empresarial e produtivo do país, no que o sector da hostalería e do turismo teñen un peso clave”, explicou.
No inmediato, o BNG demanda axudas directas para paliar as consecuencias do peche total, “que significa cero ingresos na maior parte dos casos, pero as facturas non están confinadas e seguen chegando puntualmente”, salientou, “o que non pode facer un Goberno responsable que ten a obriga de anticiparse é cortar de raíz a actividade dun sector esencial sen poñer sobre a mesa ningunha axuda”, recriminou.
Por iso, e en liña coas peticións do sector, o Bloque demanda 30 M€ en axudas directas para poder compensar cando menos o 50% das perdas, o que supón duplicar o anuncio de 12 M€ feito desde a Xunta. “Como explica o propio sector, esa contía deixaría fora das axudas ao 75% dos locais. Euskadi, por exemplo, que ten 1/3 dos establecementos de hostalería de Galiza ten en marcha unha liña de axudas de 45 M€”, alega.
O BNG tamén formula medidas de apoio actuando sobre a fiscalidade, como aprazar o pago do IRPF e do IVE do cuarto trimestre de 2020 até doce meses, ampliar o prazo dos pagos fraccionados do imposto de sociedades e un IVE reducido do 4% para o sector da hostalería e do turismo.
Igualmente, a posibilidade de quitas e exoneración do pago das cotizacións da seguridade social correspondentes ao tempo do peche; negociar coas entidades bancarias o aprazamento do pago de créditos, un plan de promoción e estímulo nas cidades por ser as máis afectadas polas restricións e facilitar a redución do alugueiro dos locais até un 50% cada mes mentres dure a pandemia.
No encontro de traballo participaron representantes do cluster do Turismo de Galiza e das principais asociacións de hostalería de todas as provincias, ademais do portavoz parlamentario nesta materia, Daniel Pérez.
Preguntada pola tramitación do proxecto de orzamentos do Estado, Pontón explicou que o BNG negocia co PSOE e con Podemos “coa vontade clara” de chegar a un acordo co goberno central, “pero ese acordo só será posible se se mellora o investimento previsto para Galiza até un mínimo de 1.000 M€, porque é totalmente inaceptable que unhas contas do Estado que suben recollan unha caída no investimento para Galiza.
O BNG propón un plan de rescate integral para o sector hostaleiro e turístico financiado co fondo COVID da UE
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
