A Mariña, 24 de marzo de 2021. A Mancomunidade de Concellos da Mariña Lucense, co apoio de Turismo de Galicia, publica unha guía do xeodestino como ferramenta para promover os principais atractivos e produtos do territorio en coherencia coa estratexia de promoción e dinamización que a Mancomunidade fai da comarca no seu conxunto e en base ao turismo slow e sostible. A publicación denomínase A Mariña Lucense ao descuberto.
O ente supramunicipal acaba de facer pública unha guía do xeodestino que xurde seguindo os pasos da súa renovada web para aportar valor engadido aos visitantes da Mariña Lucense. En formato revista, amosa pinceladas de todas as posibilidades que ofrece o destino -coa opción de afondar en diversos aspectos a través de códigos QR e enlaces- e busca favorecer a calidade da experiencia turística e a permanencia do turista no territorio. Xurde tamén coma ferramenta práctica para as oficinas de turismo, aloxamentos turísticos e para reunións e contactos con turoperadores.
Vinteoito páxinas Din A5 e papel reciclado, práctica e áxil, preséntase en versións dixital e impresa co mesmo contido e estrutura. Debido á situación derivada pola Covid19 a versión dixital gaña en importancia, contando cun apartado destacado na web do xeodestino e un perfil específico na aplicación online Issuu, que permite a visualización de revistas dixitais en gran calidade. Ademais, estase traballando en diferentes soportes para acceder á revista a través do seu código QR. Son 3.000 os exemplares editados en papel que se van distribuír entre as oficinas de turismo mariñás.
O presidente da Mancomunidade Fran Cajoto destacou os atractivos naturais e patrimoniais do xeodestino, presentes na guía A Mariña Lucense ao descuberto: “a revista inclúe apartados específicos sobre a gastronomía, actividades na natureza, eventos, produtos turísticos e o Camiño de Santiago do Norte. Hai que destacar a cartografía –os mapas- que se inclúen, que foron realizados expresamente para a publicación. Hai catro mapas específicos do territorio: un xeral dos recursos, un da costa e praias, outro dos espazos naturais e un do Camiño de Santiago do Norte. Se nos perdemos será porque queremos, aínda que perderse na Mariña é sempre unha excelente opción”.
Os textos da guía foron redactados por Claudia del Pino, turismóloga, especialista en planificación territorial residente no territorio e a cartografía foi realizada por Samuel Nájera, doutor en Xeografía pola Universidade Complutense de Madrid e Máster en dinámicas territoriais e desenvolvemento. O deseño e maquetación intenta transmitir unha imaxe de elegancia á vez que dinámica, propia da marca. É obra de Eva Veiga, graduada en Belas Artes e Máster en Dirección de Artes Plásticas. Deseñadora profesional e fotógrafa, residente en A Pontenova. As imaxes que amosan un destino máxico, diferente, tranquilo, diverso e atractivo, foron escollidas do banco de imaxes da Mancomunidade de Concellos da Mariña realizadas na ampla maioría polo fotógrafo profesional Antonio Paz, con colaboracións concretas doutras persoas e entidades. O presidente da Mancomunidade tivo palabras de agradecemento para todos eles polo traballo realizado.
Esta guía súmase a outros folletos turísticos da Mancomunidade como a presentada no pasado mes de outubro para o proxecto das Rutas de Artesanía.
O presidente da Mancomunidade Fran Cajoto dixo que “non é un bo momento para o sector turístico, coa limitación de movementos que provoca a situación sanitaria. Sen embargo, temos a oportunidade de coñecer sitios que nos poden sorprender e que están moi cerca de nós. Así que, coa precaución e cautela necesarias, animamos a todas as galegas e galegos que acudan á nosa comarca. E aos mariñáns, que aproveiten o momento de descubrir o que todos temos ao lado da casa”.
Mais información: https://amarinalucense.gal/gl/a-marina-lucense-ao-descuberto
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
