Ribadeo, 21 de maio, 2021. Donapubli asiste á feira madrileña posicionando entre os operadores turísticos a primeira app de turismo, guía de lecer e información da Mariña, que en menos dun ano acumula máis de 5.000 descargas a pesar do contexto de pandemia.
A axencia ribadense Donapubli participa nunha nova edición da Feira Internacional de Turismo (Fitur), en Ifema, Madrid, cunha intensa programación de contactos con operadores turísticos, axentes turísticos, responsables de establecementos, cadeas hostaleiras e representantes da administración para promocionar a APP Turisgalicia A Mariña, a primeira e única aplicación para dispositivos móbiles de turismo, guía de lecer e información da costa lucense. Lanzada o pasado verán, nestes meses a APP revelouse cun éxito sobresaínte, como o acreditan as máis de 5.000 descargas rexistradas a pesar do contexto de pandemia. Coa flexibilización das restricións e o relanzamento das campañas turísticas, Turisgalicia vai levar a cabo unha intensa campaña promocional da APP para consolidala como unha ferramenta imprescindible, para visitantes e veciños da Mariña, para gozar da comarca e manterse informado. A participación en Fitur é o primeiro paso.
Ademais, Turisgalicia prepara importantes novidades para este verán, coa ampliación da APP a outras comarcas da comunidade galega, nun proxecto innovador sen precedentes en Galicia.
Turisgalicia A Mariña facilita información ao usuario no seu móbil sobre lugares de interese, praias e roteiros, inclúe unha axenda de actividades de constante actualización, unha selección de experiencias en turismo, deportes e lecer ou unha oficina virtual turística. Unha sección específica céntrase no Camiño e outros apartados da aplicación promocionan o comercio local ou a restauración, mentres noutro apartado ofrécese información útil local, dos concellos que colaboran nesta app, así como mapas para non perderse. Ademais, un sistema de xeolocalización permite ao usuario ver cales son os recursos que hai ao seu lado e mesmo enclaves pet friendly se viaxa con mascota. Incorpora unha versión en galego.
Esta app conta co patrocinio da Deputación de Lugo e colaboran Xunta de Galicia, Xacobeo 21-22, Federación de Comercio A Mariña, Acisa Ribadeo, GDR Terras de Miranda, concellos da Mariña, Mancomunidade de Municipios da Mariña lucense, Vermú Arnao, Estrela Galicia e Distribucións Carreiras.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
