Viveiro, 25 de xuño de 2021. O Concello de Viveiro fixo hoxe un balance do curso 2020-2021 no Conservatorio Profesional de Música de Viveiro, informando que houbo un total de 239 matrículas.
O conservatorio acolle alumnado de catorce concellos diferentes, tanto da comarca da Mariña como doutros municipios da provincia da Coruña. En concreto, no Conservatorio Profesional de Música de Viveiro hai alumnos e alumnas de Alfoz, Burela, Cariño, Cervo, A Coruña, Foz, Lourenzá, Mañón, Ortigueira, Ourol, Ribadeo, O Vicedo, Viveiro e Xove.
Con respecto ao persoal do centro, cómpre indicar que conta con 24 docentes, dos que 7 están a tempo parcial. Ademais, no conservatorio traballan hai un administrativo e un conserxe.
Dende o Concello de Viveiro quérese destacar a grande importancia do servizo prestado, facendo constar que en Galicia hai 21 conservatorios profesionais de música dependentes dos concellos e, polo tanto, asumindo unha competencia que corresponde á Xunta de Galicia.
No caso de Viveiro, dáse ademais unha particularidade especial, tendo en conta que se trata do conservatorio profesional de música dependente dun concello que se atopa máis lonxe dunha capital de provincia, onde os conservatorios profesionais existentes si que dependen da Xunta de Galicia, igual que no caso das cidades de Vigo, Ferrol e Santiago de Compostela. Este feito, motiva que Viveiro acolla alumnos e alumnas que proveñen dende Ribadeo ata Cariño.
O custe do conservatorio supón unha parte importante do orzamento municipal e isto supón unha grave discriminación con respecto ás grandes cidades, que dispoñen de conservatorio profesional de música sen que os seus municipios teñan que asumir ningún tipo de custe.
O Concello de Viveiro forma parte da iniciativa que partiu do Concello de Ponteareas en 2016, na que xa se realizaron varias reunións para que tanto a FEGAMP como as deputacións se alíen para facer unha fronte común para que a Xunta de Galicia trate a todos os conservatorios por igual, evitando que poidan producirse agravios comparativos entre os estudantes duns ou doutros, sobre todo económicos.
Nos últimos tres anos o Concello de Viveiro recibiu unha pequena subvención por parte da Xunta de Galicia, ademais da subvención concedida pola Deputación de Lugo. Con todo, a suma destas axudas e máis os ingresos correspondentes a matrículas e mensualidades non cubren, nin de lonxe, os gastos derivados do servizo, que ademais da súa importancia cultural ten a máxima importancia educativa, debendo considerarse polo tanto como unha inversión e non un gasto.
Para poder tratar esta cuestión e buscar unha posible solución, o Concello de Viveiro ten solicitada unha reunión co Conselleiro de Cultura, Educación e Universidade. Agardamos que esa xuntanza poida celebrarse á maior brevidade posible co fin de tratar esta cuestión de gran importancia para o municipio.
CURSOS NO CONSERVATORIO
Por outra banda, infórmase que hoxe tivo lugar a entrega dos diplomas dos cursiños organizados neste terceiro trimestre polo Concello de Viveiro e o Conservatorio Profesional de Música. O acto tivo lugar no salón de actos do conservatorio e encargouse de facer entrega dos mesmos 1º Tenente de Alcalde e Concelleiro delegado do Conservatorio, Jesús Fernández Fernández.
En cada un destes cursos ofertáronse un total de 7 prazas, que foron cubertas por alumnos dos graos superiores, así como tamén dalgún profesor, dado que se trataba de cursos moi específicos e especializados.
Os cursos impartidos foron os seguintes:
– “Chopin y Liszt: el estilo Cantábile”, impartido por Plácido Travieso Fernández.
– “Harmonía aplicada á composición”, impartido por Ángel Soto Mosquera.
– “A guitarra e a súa importancia ao longo da historia”, impatido por Xoán Xosé Casteleiro Martíns.
– ” O repertorio de Gaita na Francia da primeira metade do s. XVIII”, impatido por David Bellas García.
– ” A pedagoxía da Linguaxe Musical no Grao Elemental”, impartido por Marta Rico Lojo.
A Orquestra de Guitarras do Conservatorio, dirixida por Antonio Río Rodríguez e formada polo alumnado de Grao Profesional de Guitarra, realizou un pequeno concerto para acompañar o acto.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
