Ribadeo, 17 de febreiro de 2022. A Xunta de Galicia colaborou cos concellos de Ribadeo, Mondoñedo e Trabada na posta en valor e embelecemento de elementos patrimoniais que causaban impactos paisaxísticos, obras ás que destinou 32.700 euros. Igualmente, apoiou na Mariña sete reformas promovidas por particulares con achegas que sumaron 16.500 euros.
O delegado territorial da Xunta en Lugo, Javier Arias, comprobou hoxe o resultado da restauración da fonte de Guimarán, en Ribadeo, xunto co director do Instituto de Estudos do territorio, Enrique Luis de Salvador, entre outros. Lembraron que están convocados de novo estes programas de axudas; os particulares interesados poden solicitalas ata o 21 de febreiro, mentres que os concellos dispoñen dunha semana máis.
Ao abeiro da pasada convocatoria, apuntou Arias, restauráronse na comarca esta fonte de Ribadeo, un hórreo en Mondoñedo e un inmoble en Trabada. En todos os casos, a Xunta achegou o 70% do investimento das obras.
A fonte de Guimarán, situada no conxunto histórico, recuperou a súa beleza e funcionalidade, xa que estaba inutilizada ao igual que unha das escaleiras de acceso. Entre os traballos realizados, eliminouse a vexetación, reformouse a fronte con morteiro tradicional a base de cal, repasáronse as xuntas de sillería e renováronse algúns elementos.
En Mondoñedo reconstruíuse un hórreo abandonado en Lousada, para o que foi preciso repoñer a cuberta, os laterais de madeira, a porta de peche e mesmo acometer intervencións puntuais nos elementos de fábrica.
Pola súa banda, en Trabada renovouse o exterior do edificio da Cámara Agraria, realizando unha limpeza e reparación das zonas con humidade e o pintado dos paramentos segundo a Guía de cores e materiais de Galicia.
En canto as obras particulares, impulsáronse dúas en Foz e Lourenzá, e o resto en Barreiros, Mondoñedo e Ourol. Ante o éxito da primeira convocatoria, a Consellería de Medio Ambiente, Territorio e Vivenda “volve a apostar por brindar apoio económico a aqueles cidadáns e concellos que executen actuacións de renovación, mellora e acondicionamento sobre edificacións e equipamentos que repercutan de forma positiva na súa contorna”, afirmou Arias.
Tramitación máis sinxela
A presente convocatoria simplificara os trámites, reduce a documentación requirida e introduce toda unha serie de especificacións e novidades técnicas co fin de ampliar o ámbito das actuacións subvencionables.
Novamente, fixouse unha liña para particulares, que inclúe obras de revestimento, fachadas sen rematar, renovación de acabados, remates exteriores e de cubertas e acondicionamento de peches. Os beneficiarios poderán acceder a unha axuda do 70% da actuación, ata un máximo de 3.000 euros.
No caso da orde dirixida aos concellos, de ata 20.000 habitantes, poderán acceder a dúas liñas de actuación: aquelas que melloren o exterior dos edificios públicos e, á segunda, para recuperar os equipamentos, como fontes, palcos, lavadoiros ou hórreos, entre outros. Así, os concellos poderán optar a dúas axudas de ata 40.000 euros.
Pola súa banda, o voceiro do Grupo Municipal Popular de Ribadeo, Daniel Vega, quen participou na visita destacou que “a Xunta invirta en Ribadeo para rehabilitar unha fonte moi coñecida, que se pode atopar subindo ou baixando da vila ao porto, e que levaba moito tempo abandonada”. Así mesmo, o popular explica que“o noso Grupo Municipal defende a conservación do noso patrimonio e dos atractivos turísticos no municipio” e, nese sentido, “seguiremos xestionando orzamento para a nosa vila”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
