Ribadeo, 22 de febreiro de 2022. Xa está aberto o prazo de inscrición para participar no gran desfile de Entroido, que se celebrará o 1 de marzo e que repartirá máis de 4.000 euros en premios, segundo informan o Concello de Ribadeo e Acisa.
Dende a organización indican: “para obter información sobre a maneira de inscribirse recomendamos chamar aos teléfonos 982 128 689, 982 131 565 ou 982 120 565 ou ben consultar as webs do Concello ou de Acisa Ribadeo”.
E explican: “para participar no desfile, pode realizarse a inscrición en persoa no rexistro das oficinas municipais ou a través do correo electrónico turismo@ribadeo.org. As bases e ficha de inscrición atópanse no taboleiro de anuncios da sede electrónica do portal www.ribadeo.gal e na web www.acisaribadeo.es. Na ficha de inscrición pídese nome e apelidos, DNI, domicilio, teléfono de contacto e nome da acción de Entroido que se presentará no desfile.O prazo de inscrición estará aberto ata o luns, 28 de febreiro, ás doce da noite. Tamén se da opción para a inscrición o mesmo día do desfile no espazo habilitado no Teatro de Ribadeo (rúa San Roque, 2), de 15.00 ás 16.30 horas”.
Dende a organización deste Entroido lembran: “nesta edición repartiranse algo máis de 4.000 euros en premios. Destaca o da Mascarita, personaxe tradicional do Entroido de Ribadeo que se quere rescatar e pór en valor. O seu humor, retranca e interacción coa xente son elementos esenciais e moi propios desta festividade. Con este premio, por primeira vez cunha importante contía en metálico (300 euros), preténdese contribuír a nutrir o desfile e dotalo do humor e da retranca que tanto se precisa nestes tempos tan influídos pola pandemia. O Entroido de Ribadeo e o seu desfile deben ser unha oportunidade para a alegría, a desconexión e o vínculo coa veciñanza e visitantes”.
O resto dos premios son:
COMPARSAS E/OU CHARANGAS: 1º premio 500€, 2º premio 400€, 3º premio 300€
CARROZAS: 1º premio 300€, 2º premio 200€, 3º premio 100€
GRUPOS (mínimo 3 persoas): 1º premio 200€, 2º premio 150€, 3º premio 100 €
PARELLAS:1º premio 150€, 2º premio 100€, 3º premio 75€
INDIVIDUAIS: 1º premio 100 €, 2º premio 75€, 3º premio 50€
Na categoría infantil:
GRUPOS (mínimo 3 persoas): 1º premio 200€, 2º premio 100€, 3º premio 50€
PARELLAS: 1º premio 150€, 2º premio 100€, 3º premio 50€
INDIVIDUAIS: 1º premio 150€, 2º premio 100€, 3º premio 50€
Dende a organización tamén fan referencia ao xurado e aos criterios de valoración indicando que “o concurso terá un xurado composto por 7 membros: 5 vogais, presidenta, (concelleira de Cultura), secretaria (técnica de Cultura) e portavoz dos comerciantes e hostaleiros (xerente de Acisa Ribadeo), estes tres últimos con voz pero sen voto. Os cinco vogais serán persoas procedentes de ámbitos municipais coma o asociacionismo, a cultura, a comunicación, a imaxe, o deseño, etc., completamente independentes das entidades organizadoras.
O xurado terá en conta á hora de valorar os participantes: a orixinalidade, a creatividade e a novidade na temática, no vestiario, etc.; o espírito entroideiro: teatralidade e animación; o humor, interacción co público, retranca, simpatía, e capacidade de sátira, co fin de conseguir un ambiente festivo que vaia máis alá do simple desfile; a música, letras ou coreografías: se utiliza algún instrumento musical valórase máis que a música enlatada. Valórase que as letras sexan orixinais e retranqueiras. Tamén terán en conta o vestiario e maquillaxe: acabado do vestiario, complexidade, colorido, etc.; maquillaxe coherente co vestiario, vistoso, complexo, etc. E para rematar, os complementos que enriquezan a escena”.
Os organizadores engaden que “ambas entidades, ante a falta de comisión organizadora, decidimos traballar conxuntamente, para que aínda que, con formato reducido e adaptado ás circunstancias da pandemia, a veciñanza poida gozar desta festividade”.
E subliñan que “o domingo 27 xa hai unha primeira cita para as crianzas no baile infantil dende as 17:00 horas na sala Rosalar e os días previos ao desfile contaremos con animación nas rúas tanto ao mediodía coma á noitiña”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
