A Mariña, 27 de xuño de 2022. O presidente da Mancomunidade de Concellos da Mariña e alcalde de Foz, Fran Cajoto, acompañado polo concelleiro de Turismo focense, Chema Linares, ofreceu unha recepción ao equipo do programa Gente Viajera, que dirixe e presenta a pastoricense Esther Eiros.
No acto, celebrado no Cenima, participou tamén o presidente de AciaFozCCA e da Federación de Comercio A Mariña, José Carlos Paleo, así como os propietarios de Pastelería Anduriña, Moncho Castro e Mari Trigo, que aproveitaron a ocasión para presentarlle ao equipo de Gente Viajera a Sandalia do Peregrino, un exquisito doce elaborado con améndoas, noces, pasas, abelás, piñóns, fariña, manteiga, cabelo de anxo e ovos, entre outros ingredientes.
Esther Eiros e os seus colaboradores trasladáronse despois para A Pontenova desde onde onte, domingo, realizaron o programa Gente Viajera para todo o país. Pola Casa da Cultura pasaron o presidente da Mancomunidade de Concellos da Mariña, Fran Cajoto, o alcalde de A Pontenova, Darío Campos, a responsable da Área de Turismo da Deputación de Lugo, Pilar García, e o xerente da OPP Burela, Sergio López.
Irene González, Ángel Bermejo e Enrique Domínguez Uceta (colaboradores de Gente Viajera) coñeceron na Pontenova a ruta das Reigadas, os Fornos, a aula de interpretación da pesca, a oficina de turismo (onde puideron ver unha exposición de fotografías antigas (do ano 1904 en diante) a través das que se poden coñecer todos os elementos da explotación mineira cando estaban en funcionamento), e tamén visitaron o complexo histórico recreativo da Mina Conseulo-Boulloso, que inclúe a supertirolina que recrea o trazado do antigo tranvía aéreo. Durante a emisión do programa deron conta de todo o visto e vivido e falaron do patrimonio cultural e natural da Mariña e da súa riqueza gastronómica, onde a pescada de Burela foi a protagonista, xunto ás troitas e os salmóns do río Eo.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
