Os usuarios teñen a opción de elixir entre seis paquetes distintos, que poden limitarse a unha comida ou incluír estancias e mesmo actividades como roteiros, acceso a adegas e balnearios ou xogos de escape room
Lugo, 9 de setembro de 2022. A campaña Outono Gastronómico que promove a Xunta inicia unha nova edición o vindeiro 16 de setembro coa participación de 19 establecementos de turismo rural da provincia de Lugo.
O delegado territorial da Administración autonómica, Javier Arias, visitou hoxe o autobús promocional na praza Horta do Seminario da capital luguesa, onde explicou que a iniciativa prolongarase ata o 18 de decembro e conta cun total de 73 negocios adheridos nas catro provincias.
As casas rurais colaboradoras ofrecerán dous menús diferentes deseñados especificamente para a campaña, que levarán na súa composición produtos galegos con certificación de calidade -Denominación de Orixe (DO), Indicación Xeográfica Protexida (IXP) ou produción ecolóxica certificada-.
Os usuarios teñen a opción de elixir entre seis paquetes distintos, que poden limitarse a unha comida ou incluír estancias e mesmo actividades como roteiros, acceso a adegas e balnearios ou xogos de escape room.
Nove dos locais lucenses participantes están na Zona Sur, repartidos polos concellos de Taboada, O Courel, O Saviñao, A Pobra do Brollón, Pantón, Quiroga e Sober. Tamén hai tres na Mariña -nos municipios de Foz, Trabada e Lourenzá – e os restantes pertencen a Castroverde, Lugo, Cervantes, O Corgo, Monterroso, As Nogais e Sarria.
As persoas interesadas en coñecer todos os detalles poden informarse a través da páxina web de Turismo de Galicia, na que hai un apartado específico adicado ao Outono Gastronómico, que este ano chega á súa 16ª edición. Ademais, un bus promocional percorre as principais localidades galegas, onde o público que se achegue pode participar nunha ruleta con 14 premios de Fin de Semana Outono Gastronómico e 1.400 carballos, coa finalidade de fomentar a plantación de especies autóctonas e de contribuír á protección do medio ambiente.
Arias destacou a importancia da gastronomía na oferta turística da provincia de Lugo e subliñou que con este tipo de iniciativas a Xunta quere contribuír a “divulgar a potencialidade dos destinos rurais e xerar actividade fóra da tempada alta”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
