Burela, 4 de abril de 2023. Burela acollerá o I Campus Mixto FutbolinLugo, que se presentou no salón de actos do Concello. Desenvolverase do 17 ao 21 de xullo no campo da Marosa e está destinado a nenas e nenos de 5 a 16 anos. No acto participaron o concelleiro de Deportes, Ramiro Fernández, o xefe territorial de Presidencia da Xunta, Gerardo Criado, Diego Díaz da organización e Jairo Campo da SD Burela.
O edil burelés manifestou: “quero agradecer tanto a Diego como a Jairo que elixiran Burela para este primeiro campus mixto de fútbol. Desde o primeiro momento sabedes que o Concello sempre estivo colaborando con Futbolinlugo en todas as iniciativas que expuxo. De feito o primeiro All Star fíxose aquí, en Burela, e é unha iniciativa que está tendo éxito e que está desprazándose por diferentes campos. Hai que agradecer o traballo que facedes e estou segurísimo de que vai ser un auténtico éxito este primeiro campus mixto de Futbolinlugo. Aquí, aínda que se teñen feito outros campus, era algo que botábamos en falta e desde logo é un pracer axudarvos a sacar esta iniciativa para diante, que estou segurísimo de que vai ser un éxito”.
Fernández Rey tamén tivo palabras de agradecemento para a Xunta de Galicia: quero agradecer tamén á Xunta de Galicia, neste caso a Gerardo, que tamén apoie este tipo de iniciativas. Eu penso que ese é o traballo que deben facer as administracións: colaborar uns con outros para sacar adiante os proxectos. É un pracer compartir con vosoutros este tipo de iniciativas. Agradecer tamén a Gadis, que é colaborador do evento”.
O concelleiro de Deportes subliñou que “desde o Concello vamos poñer todos os medios ao noso alcance para poder axudarvos e que esta iniciativa saia adiante; e, por que non, xa de cara a próximas edicións que sigades contando con Burela, se así o considerades oportuno, para poder continuar facendo aquí este campus, que espero que así sexa e que resulte un éxito”.
Desde a organización tanto Diego Díaz como Jairo Campo agradeceron a colaboración do Concello de Burela.
Este campus mixto de fútbol desenvolverase do 17 ao 21 de xullo no campo da Marosa en horario de 9:30 a 14:00 horas. Diferentes adestradores titulados da provincia de Lugo aportarán a súa sabedoría ao servizo dos asistentes. Entre adestramento e adestramento tamén haberá lugar para actividades diversas e pequenas saídas. As persoas interesadas en obter máis información poden dirixirse ao seguinte correo electrónico campusfutbolinlugo@gmail.com
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
