Terceiro título da tempada 22-23 e sétima Copa de Galicia para o Pescados Rubén Burela FS
Burela, 17 de maio, 2023. Esta mañá ás 12.30 horas no Pavillón Agustín Mouris de Noia disputouse a final da Copa Galicia, Ence Marín Fustal Vs Pescados Rubén Burela FS. Eran as favoritas e ségueno sendo, as mariñás fixéronse unha vez máis co título autonómico por sétima vez e conseguindo os 3 de 3 títulos polo momento disputados nesta tempada 2022-2023. Unha vitoria moi merecida despois dun partido onde as Raíñas Laranxas se mostraron superiores durante os 40 minutos, cun resultado final de 1-5 que puido ser máis avantaxado de non ser pola boísima actuación de Silvia, á que outorgaron moi merecidamente o MVP do partido.
Comeza o encontro con dous equipos precavidos, poucos goles e moitas oportunidades do equipo burelense. Dominio do balón por parte das xustas vencedoras que non atoparon o gol ata o minuto 8 a pesar da insistencia e soamente un tiro a porta do Marín ata o minuto 7. Ese primeiro gol será de Antía Pérez, cun potente disparo dende fóra da área. Tras unha clarísima oportunidade de Dany despois dunha boa combinación con Emilly no minuto 15 que detén Silvia e dous do Marín Fustal, chega o descanso co marcador 0-1.
Na segunda parte comeza apertando o Burela cun gol de Dany no minuto 22 despois dunha contra na que a crack brasileira parece ter 20 anos. No minuto 26 chega o gol do Marín por parte de Ale de Paz cun disparo desde fóra da área e pouco despois, no 31 o 1-3 cun gol de Peque tras un roubo de balón á porteira. É entón cando o técnico pontevedrés, Ramiro Díaz, decide apostar pola porteira-xogadora no minuto 34, con Lara Balseiro coa camiseta de porteira. Pero o Pescados Rubén mantense firme na defensa e chega o 1-4 cun gol de Emilly a porta baleira no minuto 35. Co encontro case sentenciado a gran protagonista da final da Copa da Raíña, Patricia, encaixa o 1-5 cun golazo tras unha boa combinación con Peque.
Un Julio Delgado moi contento co resultado, como é de esperar, opina que aínda que na primeira parte lles custou moito acertar a portería, tiveron moitas finalizacións e a superioridade do equipo e o dominio do balón durante todo o partido foi a clave para a contundente vitoria. Mostra a súa admiración por un Marín Fustal metido no partido durante os 40 minutos.
Ficha Técnica Ence Marín Fustal VS Pescados Rubén Burela FS
Ence Marín Fustal: Silvia (P), Adri, Ale de Paz, Pau, Jessi, -cinco inicial-, Mery, M. León, Ceci, María, Lara Balseiro, Inés, Nuria, Lucía Paz, Iria Varela (P).
Pescados Rubén Burela FS: Caridad (P), Dany, Peque (C), Antía Pérez, Irene Samper – cinco inicial- Saki, Cilene, Claudia, Jenny, Dasha, Patricia, Emilly, Ester (P), Jozi Oliveira (P).
Goles: Min.8 Antía Pérez 0-1; min.22 Dany 0-2; min.26 Ale de Paz 1-2; min.31 Peque 1-3; min.35 Emilly 1-4; min.38 Patricia 1-5.
Equipo Arbitral: Dacal Deza, Pinilla Boullosa, Noya Pardo, Díez Gil.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
