Burela, 30 de novembro, 2023. A Organización de Produtores Pesqueiros do Porto de Burela organizou na mañá do xoves 30 de novembro unha nova edición do seu taller anual sobre “Aplicación da Obrigación de Desembarque, Selectividade de Artes e Valorización de Produtos”.
Na apertura da xornada, que tivo lugar no salón de actos de Armadores de Burela, participaron o director xeral de Pesca, Acuicultura e Innovación Tecnolóxica da Consellería do Mar da Xunta de Galicia, Antonio Basanta; o subdirector xeral de Pesca da Xunta de Galicia, Pedro Riveiro; e Sergio López, xerente de OPP Burela. O acto dividiuse en 3 bloques temáticos atendendo ao propio título da xornada.
Na primeira parte da xornada tratáronse temas relacionados coa administración pesqueira. Por un lado, a aplicación da obrigación de desembarque na xestión pesqueira nacional e europea, que correu a cargo da xefa de área da Subdirección Xeral de Caladoiro Nacional e Augas Europeas do MAPA, María Concepción García Gómez. Centrouse na presentación do último acto delegado da UE publicado este mes no DOUE e que estará vixente os próximos 3 anos, así como as exencións previstas.
Noutra intervención tratáronse as principais novidades do novo regulamento de control europeo e as previsións para a implantación dos sistemas de monitorización e control a distancia, na que interviñeron a subdirectora xeral de Vixilancia e Loita contra a Pesca Ilegal do MAPA, Aurora de Blas, e a xefa da área de control, Noemí Munguía, explicando con detalle as principais novidades normativas: dixitalización, marxe de tolerancia, modificacións nos preavisos de chegada a porto, dispositivos de medición de potencia de motores, e o cumprimento da OD a través dos circuítos pechados de TV ou cámaras.
A segunda parte da xornada centrouse en diferentes proxectos de selectividade de artes e sustentabilidade nos que colabora a OPP Burela, como Redipesca 2023, proxecto sobre o impacto nos fondos, así como de aforro de consumo na frota de arrastre de litoral de Burela. Presentaron os resultados dste proxecto Julio Valeiras, do Instituto Español Oceanografía e coordinador do proxecto, e José Carlos Fernández, técnico do IEO que realizou as tarefas de observación e medición a bordo.
Finalmente, Julio Sánchez, responsable da consultora Imbatia, presentou un avance dun novo proxecto de OPP Burela sobre a aliñación dos seus proxectos cos obxectivos de desenvolvemento sostible (ODS).
Como en anos anteriores, a xornada finalizou cunha degustación gastronómica de especies con alto potencial de comercialización, como o sabre negro, o congro, a bertorella, a cabra de altura, a raia, o xurelo ou a caella, servindo como exemplo de aproveitamento gastronómico e valorización de produtos pesqueiros das capturas das diferentes frotas da OPP Burela.
Esta actividade, que se realizou en colaboración con ABSA, está cofinanciada por Xunta de Galicia e FEMPA, e incluída no plan de produción e comercialización anual da OPP-7 Porto de Burela co obxectivo de contribuír á rastrexabilidade dos produtos da pesca e ao acceso dos consumidores a información clara e completa.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
