Ribadeo, 29 de febreiro de 2024. O alcalde, Dani Vega, amósase esperanzado nos resultados do traballo de SEPES para reactivar o polígono industrial de Ribadeo. O rexedor mantivo un encontro en Madrid coa presidenta deste ente, Leire Iglesias.
Vega contou que “a reunión que tivemos en SEPES temos que valorar que foi positiva e estamos esperanzados en que dea resultados. Levábamos moitas propostas e evidentemente temos que ir coordinados”.
O alcalde explicou que “SEPES está a disposición de facer unha revisión dos prezos, que nosoutros xa lle pedimos, e terán unha conclusión aproximadamente en maio. É unha revisión de prezos de todas as parcelas. Iso é un paso importante, cualitativo e cuantitativo. Polo tanto aí estamos nun camiño correcto, desde o noso punto de vista, para que SEPES baixe o prezo e que o revise en todas as parcelas”.
Dani Vega dixo que “tamén temos que facer unha promoción conxunta do polígono industrial. Non é algo única e exclusivamente de SEPES, o Concello debe axudar e colaborar tamén para promocionar estas parcelas, para que veñan emprendedores ao noso polígono industrial. Aproximadamente en xuño haberá unha reunión aberta para aqueles emprendedores que queiran comprar unha parcela no polígono e así poñer en marcha o seu proxecto empresarial”.
O rexedor indicou que “foi unha reunión onde propuxemos, na que SEPES escoitou e tamén propuxo. O Concello aceptou colaborar na promoción e na difusión do que é o polígono industrial de Ribadeo”.
E engadiu: “nosoutros sempre o dicimos, cando hai un espírito de entendemento, colaboración e portas abertas por parte das administracións a traballar e xestionar conxuntamente creo que estes son os pasos que hai que dar, os que dan froito e os que fan crecer Ribadeo”.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
