As prazas ofertadas para a formación que se impartirá nas vindeiras semana foron cubertas. Hai lista de agarda
Ribadeo, 19 de febreiro de 2024. No CFEA Pedro Murias deu comezo hoxe o curso de poda de froiteiras, que organizan o propio centro e o Concello de Ribadeo. As prazas ofertadas para a formación que se impartirá nas vindeiras semanas, un total de 60, foron cubertas. Hai lista de agarda.
O alcalde, Dani Vega, dixo que “desde o Concello de Ribadeo seguimos a colaborar con todas as administracións, neste caso queremos poñer en valor a colaboración coa Xunta de Galicia, coa escola de capacitación agraria Pedro Murias, que ten unha vocación clara de formar continuamente e así apoiar ao sector primario: agricultura, gandería e forestal. Ten unha clara vocación desde a súa fundación con Pedro Murias, un filántropo que nos deixou un edificio para dedicar á formación e ao apoio ao sector primaria”.
O rexedor subliñou que “desde un punto de vista de formación dentro da oferta educativa que temos en Ribadeo Pedro Murias é un piar fundamental e dentro do arraigo cultural, arquitectónico, indiano queremos destacar este emblema que temos na entrada de Ribadeo”.
Vega explicou que “neste caso quixemos colaborar e agradezo á dirección do centro e ao seu director, Manuel Valín, porque é importante esa colaboración a través de propostas positivas e que signifiquen un avance. Neste caso a oferta foron uns obradoiros de poda de froiteiras, de enxertía de froiteiras e de reprodución vexetativa de plantas ornamentais. Toda esta formación, dedicada á profesionalización e a adquirir coñecementos técnicos, é fundamental. A oferta foi importante e houbo un interese por parte da poboación. En poda as prazas ofertadas foron 24 e as persoas anotadas 46. O 100% das prazas están cubertas e queda unha lista de agarda de 22 persoas. De enxerto as prazas ofertadas tamén foron 24 e os anotados 40, quedan polo tanto 16 persoas en lista de agarda e para o taller de acodo as prazas ofertadas foron 12 e 27 as persoas que se inscribiron, pero 15 quedan en lista de agarda. Isto significa que hai un interese por parte da poboación”.
O alcalde ribadense engadiu que “nos seguiremos a xestionar cursos deste tipo, porque cremos que son fundamentais e agradezo á dirección e a todos os técnicos de Pedro Murias todo o traballo que están a facer. A colaboración co Concello de Ribadeo vai ser total e absoluta, propoñeremos tamén máis actividades para os centros educativos e tamén faremos certas accións do Concello en Pedro Murias e nesta colaboración permanente é na que imos estar e é realmente o importante: colaborar con propostas para que Ribadeo siga avanzando”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
