A Mariña, 8 de marzo, 2024. Dende o Observatorio da Mariña pola Igualdade, hoxe, venres 8 de marzo ás 14:00, terá lugar a apertura ao público da instalación feminista que se atopa no quiosco da praza da Mariña de Burela, e que se poderá visitar durante todo o mes de marzo. Esta instalación afonda nos diversos acontecementos históricos que levaron a que o 8 de marzo sexa o Día Internacional da Muller e aporta varios datos sobre a explotación laboral, a violencia de xénero, a brecha salarial e os coidados na actualidade. A realización desta instalación foi posible grazas á colaboración de diversas mulleres feministas mariñás e á colaboración do Concello de Burela. Aproveitamos para recordar que haberá un convivio de mulleres na Antiga Praza de Abastos entre as 14:00 e as 16:00, que se trata dun encontro social no que reunirnos para compartir comida, bebida, conversa e momentos de aprendizaxe e disfrute mutuo; entre as 16:00 e as 18:00 haberá taller de pancartas no mesmo lugar e aproveitaremos para organizarnos e ir xuntas á manifestación feminista de Ribadeo ás 20:00.
Esta manifestación, que é a única que se organiza na Mariña Lucense, convócase baixo o lema “Varrendo o patriarcado” para visibilizar a loita das compañeiras traballadoras do sector da limpeza de Lugo, cuxa folga fixo que puideran acadar certas melloras nas súas condicións laborais. Isto pon de manifesto o importante que sigue sendo que nos unamos e tomemos as rúas para reivindicar os nosos dereitos. Animámosvos a participar nesta loita feminista para que o cambio social sexa posible.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
