A directora xeral de Patrimonio Natural visitou hoxe as instalacións da Gandería Casabella Luaces
A Pastoriza, 4 de setembro de 2024. A directora xeral de Patrimonio Natural, Marisol Díaz, reiterou hoxe o compromiso da Xunta de Galicia para garantir o equilibrio e a convivencia entre a actividade gandeira e a protección do lobo fronte ao desleixo do Goberno central, que segue sen transferir ás comunidades autónomas os fondos para compensar e previr os danos que esta especie causa ao sector primario.
Nesa liña, Marisol Díaz subliñou que aínda non se produciu o traspaso de fondos correspondentes a 2024, cuxo reparto se acordou na Conferencia Sectorial de Medio Ambiente celebrada o pasado mes de xullo e polo que a Galicia lle corresponden 2,2 millóns de euros para medidas de prevención e 1,8 millóns de euros para danos.
Ademais, cómpre lembrar que en 2022 o reparto foi inxusto coa comunidade por non apoiar a estratexia nacional, polo que Galicia interpuxo un recurso contencioso-administrativo que aínda non se resolveu. E, a maiores, o ano pasado non se chegou a facer esta distribución dos fondos entre as comunidades por problemas internos do Executivo central. Polo tanto, Galicia aínda non ingresou os 12 millóns de euros que lle corresponderían do período 2022-2024, o que supón un importante prexuízo para o sector gandeiro afectado e para a propia Xunta.
Con todo, tal e como indicou a directora xeral, o Goberno galego continúa apoiando ao sector gandeiro coa convocatoria de axudas para paliar as consecuencias dos ataques do lobo -cun orzamento de preto de 613.000 euros para 2024- e para implementar medidas preventivas -máis de 1,9 millóns de euros este ano- como a compra de cans protectores, pastores eléctricos, cercados móbiles, instalación de valados fixos ou a contratación de coidadores para protexer o gando.
De feito, a Gandería Casabella Luaces, que hoxe visitou a directora xeral, acompañada do delegado territorial da Xunta en Lugo, Javier Arias, recibiu desde 2021 máis de 12.300 euros en axudas tanto para compensar danos causados polo lobo como para a adopción de medidas de prevención -pastores eléctricos, cercados móbiles e valados fixos-.
A maiores, Marisol Díaz fixo fincapé na necesidade de que o Goberno central revise o nivel de protección do lobo co fin de adaptalo á realidade actual en cada zona. Galicia conta na actualidade con algo máis de 90 mandas de lobos que o ano pasado atacaron máis de 2.800 reses, cos correspondentes custos para os gandeiros.
Por iso, a Xunta considera que o estado do lobo non é desfavorable e agarda que o Executivo central rectifique a decisión de incluílo no Listado de especies silvestres en réxime de protección especial (Lesrpe) atendendo aos últimos datos dispoñibles para evitar que siga dificultando o equilibrio entre a especie e o sector gandeiro galego.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
